टेक्निसियन र प्रविधि पर्दा पछाडीका रियल हिरो हुन

निर्माता तथा निर्देशक सन्तोष सेनले टेक्निस्यन र प्रविधी चलचित्र निर्माणमा पर्दामा हिरो हरु पैदा गर्ने पर्दा पछाडीका रियल हिरोहरु भएको बताएका छन । शुक्रबार निर्माणधिन चलचित्र ‘बलिदान’ को “प्रविधि पूजा” पछी उनले सामाजिक संजाल यस्तो पोस्ट गरेका हुन । प्राय गरेर चलचित्र निर्माण गर्नु अगाडी चलचित्रका मुख्य कलाकारहरुको उपस्थितीमा शुभ मुर्हत गर्ने गरेकोमा सेनले भने प्रविधि पूजा” गर्दै बलिदान को सुभारम्भ भएको घोषणा गरेका हुन । उनले लामो समयदेखि “बलिदान” निर्माणका लागि हामीले गर्दै आएको अथक मेहेनेत, खोज अनुसन्धान र सिर्जना तथा प्री प्रोडक्सनमा गरेको सम्पूर्ण तपस्यापश्चात यतिखेर हामी “प्रविधि पूजा” गर्दै प्रोडक्सनको चरणमा होमिएका छौँ , सेनले लेखेका छन ।

भारतका प्रख्यात टेक्निसियन, क्यामेरा, डली,लगायत भारत- नेपालका दक्ष अपरेटर सम्पूर्ण निर्देशन डिपार्टमेंट,टेक्निकल डिपार्टमेन्ट र आर्ट डिपार्टमेन्टका क्रु सदस्यहरू भेला गर्दै सुभसाइँत तथा ग्रहगोचरका आधारमा आज भाद्र २१ गतेको दिन उपयुक्त दिन हुनाले हामीले क्यामेरा र अन्य प्रविधिको पूजा गर्दै “बलिदानको विगुल” फुकेका छौँ, उनले थपे । चलचित्र निर्माणमा पर्दामा हिरोहरू पैदा गर्ने रियल हिरो पर्दापछाडि बसेर स्मार्ट तरिकाले काम गर्ने यिनै टेक्निसियन र प्रविधि हुन् भन्ने कुरालाई हृदयङ्गम गर्दै हामीले सर्वप्रथम यिनकै पूजा गरेर प्रोडक्सनको चरणमा पाइला टेकेका छौँ उनले उल्लेख गरेका छन ।

डेव्यु फिल्म मेकिङ देखिनै आफ्नो सिनेमामा केहीन केही नयाँ अनी फरक गर्न, नयाँ प्रायोग गर्न रुचाउने निर्माता, निर्देशक सन्तोष सेन ले यसपटक आफ्नो अर्को मेगा प्रोजेक्ट ‘बलिदान’ का लागी दक्षिण भारतीय सिनेमा जगतका चर्चित दुई व्यतिहरुलाई सिनेमामा भित्र्याएका छन । उनले बलिदानका लागी मुख्य छायांकार र द्वन्द्द निर्देशक भित्र्याएका हुन । चलचित्र ‘बलिदान’ उत्पादन-ऐतिहासिक र युगान्तकारी सावित हुने हुँदा यतिखेर हाम्रो जम्बो टिम ठूलै मिहिनेत र लगानी खर्चेर प्रिप्रोडक्सन रणभूमिको अन्तिम चरण रहेको सेन को दावी छ ।

आसुसेन फिल्म्स प्राली तथा सन्तोष सेनको प्रस्तुती रहने यस चलचित्रमा निर्देशकको जिम्मेबारी निर्माता/ निर्देशक सन्तोष सेनलाई , निर्माताको रुपमा पवन ब्राडफोर्ड बिष्ट तथा लेखकको भूमिकामा त्रिविका प्रोफ़ेसर , लेखक एवम् साधक दर्शन जी, स्क्रिप्ट डक्टरको रुपमा मनोज पण्डित, कार्यकारी निर्माता तर्फ चक्र ब. चन्द र प्रेम पुरी रहनेछन । प्रेम गीत सिरिजको तेस्रो संस्करण सम्म हिट भएको र प्रेम गीत -४ को निर्माणगर्ने सबैको अडकल बाजी भएपनी सेनले अब प्रेम गीत -४ निर्माण थाती राख्दै ‘बलिदान’ निर्माण गर्ने घोषणा गरेका हुन । फिल्ममा सौगात मल्ल, अर्पण थापा, ऋचा शर्मा डेव्यु अभिनेता समिर भट्ट अनुबन्ध भैसकेकाछन । समिर चर्चित नायक बिराज भट्टका छोरा हुन ।