आगामी पुष १५ गतेबाट प्रदर्शनमा आउन लागेको नेपाली कथानक चलचित्र ‘डिसेम्बर फल्स’ को पहिलो गीत रिलिज भएकोछ । केही दिन अघीमात्र रिलिज गरिएको टिजरलाई दर्शकको राम्रो प्रतिकृया पाएपछी डान्सिङ बिटको गीत फकाउन जानिन बोलको गीत रिलिज भएकोछ । मेलिना राइ र निशान भट्टराई को स्वर रहेको गीतमा शब्द र संगीत भने दिपक शर्मा को रहेकोछ । रिलिज गीतका कोरियोग्राफर रामजी लामिछाने हुन । सोमबार राजाधानीमा एक कार्यक्रम गरी गीत रिलिज गरिएको हो ।
भिडियोमा फिल्म का मुख्य पात्रहरु नायक आर्यन सिग्देल र नायिका उपासना सिङ ठकुरीको डान्स गज्जवको छ । गीतका कोरियोग्राफरले गीतको बिट अनुसार दर्जनौं कोरस डान्सरसहितको भिडियो निकै आकर्षक बनाएकाछन । रिजाल एन्ड रिजाल प्रोडक्सनको ब्यानरमा निर्माण भएको ‘डिसेम्बर फल्स’, बिपिका खनालको कथा रहेको फिल्म प्रबिण झा को निर्देशन तथा रामप्रसाद रिजालले निर्माणमा बनेको हो । फिल्मका कार्यकारी निर्मातामा भने लक्ष्मण रिजाल र असिम काफ्ले हुन । लभ, एक्सन, सस्पेन्स र थ्रिलर एक्सन ‘डिसेम्बर फल्स’ मा आर्यन र उपासना सहित सुमन थापा, नरेश भट्टराई, सलोन बस्नेत, शिवहरि पौडेल, नागेन्द्र रिजाल, शिशिर राणा लगायतका कलाकारहरुको समेत अभिनय रहेको छ।
Photo : Surendra Thapa KTM