पाथीभरामा केवलकार निर्माण प्रकृयाले चाडै गति लिनेछ

कोशी प्रदेशका मुख्यमन्त्री हिक्मत कुमार कार्कीले ताप्लेजुङको पाथिभरा जाने केवलकार निर्माण प्रकृयाले चाडै गती लिने बताएकाछन । धरानमा शनिबारबाट सुरु भएको १५ दिने बिजिनेस एक्स्पोलाई सम्बोधन गर्दै मुख्यमन्त्री कार्कीले दैनिक १० औ हजार भक्तजनहरु पाथिभरा जानेगरी निर्माण सुरु गरिएको पाथिभरा केवलकारको निर्माणले चाडै गती लिने विश्वाश व्यक्त्त गरे । नेपालको सबैभन्दा बलियो क्षेत्र धार्मिक क्षेत्र भएकोले पाथिभरामा दैनिक १० औ हजार पार्यटक र भक्त्तजन जाने गरी बिकास गर्न खोजिरहेको जिकिर गरे । अहिले केवलकार निर्माणमा आएको अवरोधलाई सहमति र सहकार्यमा अगाडी बढ्नको लागी नेपाल सरकारले वार्ता टोली गठन गरेर छलफल अगाडी बढाएको बताए । चाडैनै उपयुक्त्त ढङ्गले सहमती हुने आफ्नो बुझाई रहेको कार्कीले बताए ।

यसैगरी एक अर्को प्रसँगमा मुख्यमन्त्री कार्कीले धरानको खानेपानी समस्या स्टनबाजीले नचल्ने भन्दै धरानको मेयरको कटाक्ष गरे । वाल्यकाल देखी धरानको समस्याको बारेमा आफु जानकार रहेको भन्दै मुख्यमन्त्री कार्कीले सबैभन्दा मुख्य समस्या खानेपानी समस्याको दिर्घकालिन समाधानको लागी केन्द्र सरकार सँग छलफल भैसकेको र धरानबासीले चाडै खुशी को खबर सुन्न पाउने कार्कीले बताए ।

आफुले सम्मानानीय प्रधानमन्त्री सँग धरानको खानेपानी समस्यालाई पहिलो प्राथमिकतामा राखेर कुराकानी अगाडी बढाएको बताए । खानेपानीको समस्याको बारेमा वास्तबिक धरातालमा उभिएर पहल गर्ने हो , स्टन गरेर जनतालाई धोका नदिने भन्दै धरानका मेयरलाई बारम्बार कटाक्ष गरे । हामीले सार्थक प्रयासहरु सुरु भएकाले केही बर्षमा नै धरानका जनताको खानेपानी समस्या सधैंको लागी समाधान हुने बताए । प्रदेश सरकार गाग्रो बोकेर हैन दिर्घकालिन योजना बोकेर केन्द्र सरकार सँग पहल भएको बताए ।

नेपाल उद्योग तथा व्यवसायी महासंघ को आयोजनामा आजबाट धरानमा सुरु भएको १५ दिने बिजिनेश एक्स्पो सुरु भएको छ । धरानको व्यापार व्यवसायलाई चलायमान बनाउन र स्थानीय व्यापारिक उत्पादनलाई प्रवर्धन गर्दै धरानको आन्तरिक पर्यटनलाई वृद्धि गर्ने उदेश्य सहित विजिनेश एक्स्पो धरान २०८१ प्रारम्भ गरिएको नेपाल उद्योग तथा व्यवसायी महासंघ धरानका अध्यक्ष शिवराज श्रेष्ठले जानकारी दिए ।

एक्पो अवधिमा समय व्यवस्थापन गर्दै धरानको शिक्षा, स्वास्थ्य, पर्यटन, उद्योग र सञ्चार क्षेत्रको विकास र सम्भावनाका बारेमा अन्तक्र्रियात्मक डिवेट गरिने समेत गरिने महासंघका अध्यक्ष श्रेष्ठले जानकारी गराए ।१५ दिने एक्सपोमा राजेशपायल राई, सुगम पोख्रेल, मिलन नेवार, तृष्णा गुरुङ लगायतका राष्ट्रिय कलाकारहरु र स्थानीय कलाकारहरुको प्रस्तुती रहनेछ । लोकबाजाहरुको अर्केष्ट्रा, ब्रिटिश गोर्खा व्रिगेड ब्याण्डको प्रस्तुती र स्थानीय डान्स सेन्टरहरुको प्रस्तुति रहनेछ । आगन्तुकहरुको मनोरन्जनका लागि खेलतामासा, रोटेपिङ, नाउँ तथा बालबालिकाहरुका लागि समेत मनोरन्जनात्मक सामग्रीहरु राखिएको संयोजक टंककुमारी गुरुङले बताइन ।