जिवनका सिद्दान्तहरु प्रेम, शान्ती, सपना र सत्यलाई चलचित्र ‘बसन्त’ ले बुन्ने छ – प्रकाश सपुत

नायक तथा निर्देशक प्रकाश सपुतले जीवनका न्युनतम सिद्दान्तहरु प्रेम, शान्ती, सपना र सत्यलाई चलचित्र ‘बसन्त’ ले बुन्ने बताएका छन ।
आजबाट छायांकनमा निस्किएको चलचित्र ‘बसन्त’ को पहिलो पोस्टर सामाजिक संजाल फेसबुकमा सार्वजनिक गर्दै उनले यस्तो बताएका हुन । शुक्रबार सामाजिक संजालबाट सार्वजनिक गरिएको पोस्टरमा चलचित्रको मुख्य कलाकारहरुलाई क्रमश देखाइएको छ । चलचित्रका लेखक तथा निर्देशक प्रकाश सपुतले आफ्नो सामाजिक संजाल फेसबुक मार्फत पोस्टर सार्वजनिक गरेका हुन । झट्ट हेर्दा सामान्य लाग्ने पोस्टरमा मुख्य कलाकारहरु लाई क्रमश राखिएको छ । पोस्टरमा राखिएको पात्रहरुलाई सपुतले उनिहरुको तह अनुसार बयान गरेका छन । निर्देशक सपुतले सबैभन्दा माथील्लो तहमा शान्ती शर्माहरु (स्वस्तिमा खडका), त्यसपछि प्रेम आर क्षेत्रीहरु (प्रभात पल ठकुरी) अनि बिचमा सत्य बहादुर मगरहरु ( खडक बहादुर मगर) र सबैभन्दा तल पिधमा बसन्त बिक ( प्रकाश सपुत) सपना बिकहरु (शिभान्सी श्री ) लाई प्रस्तुत गरेका छन ।

सपुतले चलचित्रका मुख्य बिषयबस्तुहरु समेत उल्लेख गरेकाछन । उनले ” हामी बाच्यौ, उहि दुखसुख, उहि उकाली ओराली, उहि मेलापात, उहि स्कुल घर, उहि जन्ति मलामी, उहि बैश उमेर, उहि गित नाच , उहि युद्द आन्दोलन ! लगभग सबै उस्तै परिस्थितिमा , उस्तै गरि बाच्यौ । समाज प्रेमील थियो, गुणी थियो । तर एउटा विभेदको पर्खाल ले हामीलाई अलग राखि रहयो । एउटा गहिरो अपमान बोध गराईरहयो । हामी एउटै समाज मा भए पनि एउटै रेखामा हुन पाएनौ । तर यो पर्खालले बसन्त बिकहरुलाई मात्रै होईन शान्ती शर्माहरुलाई पनि अफ्ठ्यारो बनाईरहयो । सपना बिकहरुलाई मात्रै होईन प्रेम आर क्षेत्रीहरुलाई पनि प्रेम गर्न छेकिरहयो । चलचित्र बसन्त ले यिनै अफ्ठेरोहरु भन्ने छ । हाम्रो समाजको यिनै गुण अवगुणलाई सिनेम्याटिक अनुभव सहित देखाउने छ ! जिवनका न्युनतम सिद्दान्तहरु प्रेम, शान्ती, सपना र सत्यलाई बसन्तले बुन्ने छ भनी उल्लेख गरेका छन ।

गलबन्दी प्रोडक्सनको प्रस्तुति रहने सिनेमामा प्रकाश घिमिरे, अनुप बराल र कमलमणि नेपाल पनि अभिनय रहनेछ । सिनेमाको कथा लेखन र संगीतको काम प्रकास स्वयंमले गरेका हुन् । सिनेमाको कार्यकारी निर्मातामा मोहन विश्वकर्मा, अनुरोध भट्टराई र नाना थकाली छन् ।सिनेमाको छायांकन शनिबार बागलुङको धम्जादेखि सुरु हुँदैछ । त्यसअघि बागलुङकै कालिका मन्दिरमा सिनेमाको शुभसाइत पूजा गरिने छ । छायांकनका लागि सिनेमाको कलाकार सहितको टिम शुक्रबार बागलुङ जाँदैछ । चलचित्र यही बर्षको चैते दशैंको अवसर पारेर आगामी चैत २२ गतेबाट विश्वव्यापी प्रदर्शनमा आउँदै छ ।