खजुरे ब्रो मा डेव्यु पछी मख्ख साम्पाङ,धरानमा निर्माणहुने चलचित्रलाई सहयोग गर्ने मनसाय

धरानका मेयर हर्क राज राई (हर्क साम्पाङ) ले आफ्नो सामाजिक संजाल फेसबुकमा एक पोस्ट गरेकाछन । उनले ‘धरानकै सेरोफेरोको कथालाई आधार मानेर निर्माण भैरहेको नेपाली कथानक चलचित्र ‘खजुरे ब्रो’ मा आफ्नो सानो एक मिनेटको भूमिका निभाए पस्चात मख्ख हुँदै लेख्छन “अब बन्ने नेपाली चलचित्रहरु सबै धरानमा बनून् भन्ना खातिर कलाकारहरुलाई विशेष सपोर्ट गर्ने चाँजो मिलाइनेछ ! जय धरान !” साम्पाङले ठुलो पर्दा यही फिल्म खजुरे ब्रो बाट डेव्यु गरेकाछन । धरानकै कथालाई पर्दामा उतार्नकै लागी तयार गरिएको खजुरे ब्रो को ९० प्रतिशत छायांकन धरानमै गर्ने गरी हाल धरानमा धमाधम छायांकन भैरहेकोछ । धरान छायांकनको अन्तिम अन्तिममा मेयर हर्क राज राई (साम्पाङ) को पनि सर्ट लिइयो ।

जम्मा १ मिनेटको लागी साम्पाङको भूमिका पनि रियलमा जस्तै मेयरकै भूमिकामा रहेको निर्देशक सुरज सुनुवारले बताए । साम्पाङको इन्ट्रीले निर्माण टिम उत्साहित पनि छन । यसै पनि सामाजिक संजालमा सधैं अपडेट रहने मेयर साम्पाङको पोस्टमा धेरैले मिश्रित प्रतिकृया दिएकाछन । उनका शुभचिन्तक हरुले भने सकरात्मक सोच भन्दै हाइ हाइ गरेकाछन । साम्पाङको फेसबुक पोस्टलाई हेर्दा उनको मनसाय धरानलाई चलचित्र नगरी बनाउने उद्देश्य लिएको देखिन्छ ।

खजुरे ब्रो यतिबेला धरानमा धमाधम छायांकन भैरहेकोछ । हाल फिल्मका मुख्यकलाकार अझ भनौ डेब्यु नायिका हुन मिस नेपाल मोडल निती शाह । निती अनुबन्ध भएसङै उनको लागी यो फिल्म डेब्यु पनि हो । यस अघी ४ वटा फिल्ममा काम गर्ने भनेपनी बन्ने नबन्ने टुङ्गो नभएसी नितीको लागी खजुरे ब्रो नै डेब्यु फिल्म बनेकोछ । यसैपनी आँफैमा एक चर्चित नाम निती जोडीएपछी फिल्मको चर्चा सँगै हाइप बढ्ने विश्वाशका साथ छायांकन सुरु भएको हो । फिल्ममा रंगमञ्च पृष्ठभूमिका मा दर्जनौँ नाटकसँगै ‘गोर्खा वारियर’, ‘यात्रा’, ‘ए मेरो हजुर ३’ लगायतका फिल्ममा अभिनय गरेका रेअर राई नितीको जोडी छन ।

 

८ बर्ष अघि सिनेमा ‘षडङ्ग’को निर्देशन गरेका निर्देशक सुरज सुनुवारले ‘खजुरे ब्रो’ निर्देशन गर्ने भएकाछन । ‘खजुरे ब्रो’ को लेखक पनि निर्देशक सुनुवार नै हुन । दिव्य दृश्य इन्टरटेन्टमेन्टको ब्यानरमा निर्माण हुने सिनेमा कमेडी जनरामा आधारित रहने बताइएको छ । नबीन मानन्धर र सुरज सुनुवारले निर्माण गर्ने सिनेमाका कार्यकारी निर्माता डायमण्ड उप्रेती हुन् ।शिशिर बिशंखेले छायांकन गर्ने छन । सिनेमाको छायांकन इटहरी, धरान, दार्जलिंग र काठमाडौंमा हुनेछ । ‘ अहिलेको दर्शकहरुको चाहना अनुसार पूर्ण मनोरञ्जन दिने उदेश्यका साथ सिनेमा निर्माण गर्न लागेको कलाकार तथा निर्माता नबीन मानन्धरले बताए । सिनेमामा अनमोल गुरुङको संगीत रहनेछ । प्रकाश भुजेल प्रोडक्सन म्यानेजर तथा प्रदीप भण्डारी लाइन प्रोडुसर रहेको हुनेछन ।