‘तिम्रो मेरो साथ’ को टिम पुर्वका शहरहरुमा दर्शकको साथ खोज्दै

यही पौष २९ गते रिलिजको तयारी रहेको चलचित्र ‘तिम्रो मेरो साथ’ को निर्माण तथा कलाकार टोलीले पूर्वका बिभिन्न शहरहरुमा आएर दर्शक को साथ खोजेका छन । टिम बिहीवार इटहरी र दमकमा पुगेर प्रेस भेटघाट र बिभिन्न कार्यक्रममा सहभागी भएकाछन । चलचित्र प्रचारप्रसारको क्रममा उनीहरु बिहीवार इटहरीमा प्रेस भेटघाट र नगर पारीक्रमाको लागी सिटिसफारी र्यालीमा सहभागी भएका हुन । इटहरीको पत्रकार सम्मेलनमा पुग्न अघी २५ ओटा सिटि सफारी र गाडी बाइक हरुमा ब्यानर राखी , कलाकार हरु गाडीमा बसेर इटहरी परिक्रमा गरेका थिए ।

परिक्रमाका क्रममा चौक र सडकमा रहेका दर्शकलाइ हात हल्लाउँदै अभिवादन गरेर , फिल्म हेर्न निम्तो दिएका थिए । अगामी पुस २९ गते नेपाल सहित विभिन्न देशहरुमा एकसाथ प्रदर्शनको तयारीमा रहेको चलचित्र “तिम्रो मेरो साथ”का निर्देशक तथा निर्माता रमेश पौडेल, कलाकारहरु सन्दिप क्षेत्री, पुष्प खड्का र साम्राज्ञी राज्यलक्ष्मी शाह सहितको टोलीले , इटहरीमा पत्रकार सम्मेलन गर्दै चलचित्रबारे जानकारी दिएका छन ।

चलचित्र प्रेम कथामा आधारित थ्रीलर मुभि रहेको चलचित्रका निर्देशक पौडेलले बताए । लामो समय सञ्चार जगतमा रहेर काम गरेका पौडेल चलचित्रको निर्माता समेत हुन् । धेरै चलचित्र निर्माण गरिसकेका पौडेलले यही चलचित्र मार्फत निर्देशन पक्षमा समेत हात हालेका छन् । ‘तिम्रो मेरो साथ’ साथ कस्तो चलचित्र भन्ने जिज्ञासामा पौडेलले चलचित्रको कथा बस्तु अहिलेको पारिवारिक तथा ‘लभ एट्र्याक्सन’मा केन्द्रित रहेको बताएका छन । ‘जीन्दगी जिउँनकालागि एक अर्काको साथको महत्व कति सम्मको हुन्छ भन्ने कुरा चलचित्र देखाउने प्रयास गरेको पौडेलको भनाइ छ ।

चलचित्रमा हास्यकलाकार, अभिनेता तथा सञ्चारकर्मी सन्दिप क्षेत्री सहित पुष्प खड्का, साम्राज्ञी राज्यलक्ष्मी शाह, सरोज खनाल, खड्ग बहादुर पुन(खबपु) लगायतको कलाकारहरुको अभिनय रहेको छ । ३ करोड लगानीमा निर्माण भएको ‘तिम्रो मेरो साथ’ यही पुस २९ गते नेपालभर साथै अमेरिकामा ३० वटा, क्यानडामा २७ वटा, अष्ट्रेलियामा १६ वटा सिनेमा हलहरुमा प्रदर्शन हुने निर्देशक पौडेलले बताए ।