विधुत सर्ट भएर घरमा आगलागी भई घर जलेर नस्ट भएको धरान ५ को देवीमार्गका पीडित परिवारलाई आर्थिक सहयोग प्रदान भएकोछ । शुक्रबार साँझ करिब ६ बजेतिर धरान – ५ कि राजमाया राईको घरमा आगलागी हुँदा घर पुर्णरुपमा जलेर नष्ट भएको छ । घर जलेर नस्ट भएसङै घरभित्र भएको सबै सुनचादी, नगद, लत्ताकपडा, सामग्रीहरु पनि नष्ट भएको पीडित परिवारले जनाएको छ । आगलागीबाट घर पूर्णरुपमा नस्ट भएपछी परिवारका सातजना सदस्यहरुको विचल्ली भएको छ । बिचल्लीमा परेका परिवारका सदस्यहरु मध्ये कोही छोरीको घरमा , कोही छिमेकीको कुखुरापालनको लागी बनाएको टहरामा गत रात बिताएका छोरा पञ्चराज राईले जनाएका छन । राइका अनुसार घर बनाउन राखेको काठ, सुनचादी, घरका सबै सामान, धनीपुर्जा, नागरिकतालगायत महत्वपुर्ण कागजातहरु सहित करिब ३० देखि ३५ लाखको क्षति भएको छ ।
आगलागी पीडित परिवारलाई भेट्न आज बिहान मेयर हर्क राज साम्पाङ, वडा नं ४ का वडाअध्यक्ष धनबहादुर कुलुङ र वडा ५ की सदस्य सुनिता राई पुगेका थिए । यसै गरी पीडित परिवारलाई आर्थिक सहयोग आउन थालेकोछ । पीडित परिवारलाई धरान – स्थित ज्योति मण्डलीका केही सदस्यहरुको तर्फबाट नगद रु ७ हजार सहयोग गरेको ज्योती चर्चका पास्टर मचिन्द्र लावतीले जानकारी दिए । लावतीका अनुसार ज्योति चर्चको तर्फबाट ३००० हजार ,राजकुमार वाद्रि राई बाट २००० , एन्द्र तेयुङ लिम्बु बाट रु १००० ,मचिन्द्र लावती बाट १०१० गरी जम्मा ७०१० रुपैया आर्थिक आर्थिक सहयोग प्रदान गरिएको हो । रकम हस्तान्तरण गर्दै लावतीले आपत बिपतमा सानो सहयोग पनि पीडितलाई ठुलो राहत पुगोस भन्ने हेतुले आर्थिक सहयोग प्रदान गरिएको बताए ।
