भर्सटाइल कलाकार विपिन कार्कीको प्रतिक्षित चलचित्र ‘काजी’ यहि जेठ ८ गतेबाट देशव्यापी प्रदर्शनमा आउँदैछ । जस्तोसुकै चरित्रलाईपनि सजिलै निभाउन सक्न भर्सटाईल कलाकार विपिन कार्कीको यो चलचित्र निकै प्रतिक्षित ड्रीम प्रोजेक्ट पनि हो । ३ मिनेट ४० सेकेण्ड लामो ट्रेलरमा श्रीमती प्रती ‘काजी’ को अचाक्ली प्रेम देख्न सकिन्छ । बुवा आमा दुवै गुमाएका काजी हरेक मठ मन्दिर जादा आफ्ना आमा बुवा माग्ने गरेको थिए तर मलाई मनपर्ने कजिनी दिनुभयो भनेर फुरुङ्ग हुन्छ ।
सार्वजनिक ट्रेलरमा एक सोझो र इमान्दार गाउँले युवाको भुमीकामा देखिएका काजी अर्थात विपिनको जिवन्त अभिनयले चलचित्रको कथामा सुन मा सुगन्ध भैm भएको छ । सार्वजनिक ट्रेलर हेर्दा अभिनयका दुई प्रखर केकी अधिकारी र विपिन कार्कीको केमेष्ट्री गज्जव छ , दर्शकहरुले रुचाउने पक्का छ ।टुहुरा काजीले विवाहपछि श्रीमती ९केकी०लाई गर्ने माया र विश्वास नै फिल्मको मूल कथा देखिन्छ । वैवाहिक सम्बन्ध जोगाउन कजिनीले बोलेको एउटा झुटले भने कथामा नयाँ मोड लिने ट्रेलरले संकेत गर्छ ।
रिजाल एन्ड रिजाल प्रोडक्सनको ब्यानरमा निर्माण भएको फिल्मका निर्मातामा रामप्रसाद रिजाल, नेहान रिजाल र विकासराज जोशी रहेका छन् । फिल्ममा प्रदीप भारद्वाजको लेखन, चिन्तन राजभण्डारीको छायांकन, कालीप्रसाद बास्कोटाको संगीत, सुजिल कर्माचार्यको पार्श्व संगीत, कविराज गहतराजको नृत्य निर्देशन तथा विपिन मल्लको सम्पादन रहेको छ ।विपिन र केकीसहित गरिमा शर्मा, प्रकाश घिमिरे, हेमन्त बुढाथोकी, विशाल पहारी, विनोद न्यौपाने, रश्मी भट्ट, हिउँवाला गौतम, सन्दीप बाबु लोहनी, रोजी श्रेष्ठ, प्रशंसा सुवेदीलगायतका कलाकारहरूको अभिनय रहेको छ । फिल्ममा गरिमाले विपिनकी सालीको भूमिकामा अभिनय गरेकी छन् ।
सुनसरीको धरान १५ बाट बिपी फोर इन्टरटेन्मेन्ट प्रा.लि.द्वारा सञ्चालित यस हंगामा खबर ले बिशेषगरी चलचित्र,मनोरंजन, स्थानिय समसामयिक बिषयका खोजमुलक समाचार र अन्तरवार्ता प्राथमिकता दिनेछ ।