प्रेस सेन्टर नेपाल प्रदेश १ काे अध्यक्षमा राजन राई निर्वाचित

प्रेस सेन्स्टर नेपाल प्रदेश १ को तेस्रो अधिवेशनबाट अध्यक्षमा भोजपुरका राजन राई निर्वाचित भएकाछन । अध्यक्ष बाहेक सबै पद सर्वसम्मत भएको थियो । अध्यक्ष पदका लागी निवर्तमान वरिष्ठ उपाध्यक्ष नवराज कट्टेल र राजन राई बिच सहमती जुटाउन प्रयास भएपनी असफल भएपछी मध्यरातमा निर्वाचन प्रकृयामा गएको हो । शुक्रबार राती बिराटनगरमा सम्पन्न निर्वाचनमा अध्यक्षका लागि निर्वाचनमा खसेको कुल ७७ मतमध्ये राईले ४१ मत र कट्टेलले ३६ मत पाएका थिए । राईले कट्टेललाई ५ मतले पछी पार्दै निर्वाचित भएका हुन ।

यसैगरी खुल्ला उपाध्यक्षमा सुजन तिमिल्सिना, महिला उपाध्यक्षमा सुजता लिम्बु, समावेशी उपाध्यक्षमा सेसेहाङ लाओती, महासचिवमा गोकुल पराजुली, खुल्ला सचिवमा ईस्वर थापा, जनजाति सचिव डिकेश लामा, महिला सचिवमा विनु तिम्सिना सर्वसम्मत भएका छन् । त्यसतै मधेशी सचिवमा सत्यनारायण शर्मा, दलित सचिवमा राकेश नेपाली, कोषाध्यक्ष झुलन रेग्मिसहित २३ सदस्य सर्वसम्मत भएका छन् । २७ सदस्यीय कार्यसमितिमध्ये ४ जना पछि मनोनित गर्नेगरी सर्वसम्मत भएको हो ।

नवनिर्वाचित अध्यक्षसहित पदाधिकारी तथा सदस्यलाई प्रमुख अतिथि प्रेस सेन्टरका केन्द्रिय अध्यक्ष बिष्णु साप्कोटा (जुगल) ले प्रमाणपत्र प्रदान गरेका थिए । उद्घाटन समारोहका प्रमुख अतिथि वरिष्ठ उपाध्यक्ष गिरीको प्रमुख आतिथ्यतामा सम्पन्न कार्यक्रममा प्रदेशका पूर्वमन्त्री एवम नेकपा माओवादी केन्द्र प्रदेश सचिव गणेश उप्रेती,प्रेस सेन्टरकी केन्द्रीय उपाध्यक्ष गंगा बराल, लक्ष्मण खड्का, नेपाल पत्रकार महासंघ कोशी प्रदेशकी महासचिव हिमा चेम्जोङले मन्तव्य राखेका थिए । प्रदेश अध्यक्ष विनोद घिमिरेको अध्यक्षतामा सम्पन्न प्रदेश अधिवेशनमा नेकपा माओवादी केन्द्र प्रदेश फ्याक्सन इञ्चार्ज विजय साम्पाङ्ग, प्रेस युनियनका प्रदेश अध्यक्ष मिनकुमार नवोदित, समाजवादी प्रेस संगठन प्रदेश अध्यक्ष बन्धु पोखरेल लगायतले शुभकामना मन्तव्य राखेका थिए ।