गायक तथा अभिनेता कुशल थलङको पहिलो पालम ‘नौतुन माया’ सार्वजनिक

चर्चित गायक तथा पछील्लो समय चलचित्रहरुमा व्यस्त अभिनेता कलाकार कुशल थलङले आफ्नो सांगेतिक जीवनको दौरानमा पहिलो पटक लिम्बु समुदायको एक लोकगीत मानिने पालम गाएका छन । उनले पालम कि चर्चित गायिका मनु नेम्बाङ सँग गाएका हुन । मदन वानेमको शब्द, शिव सम्बाहाम्फेको लयमा कुशल र मनुले गाएको गीत शनिवार धरानमा एक कार्यक्रम आयोजना गरी सार्वजनीक गरिएको छ ।  दिनेश राईले खिचेको भिडियो लाई सम्पादन, कलर र ड्रोनको काम शिर कुमार साम्पाङले गरेका छन । मिना हुक्पा चोङ्बाङ निर्मात्री र डम्बर कुमारी पयाङ मेन्याङ्बो सह निर्मात्री रहेको पालमको म्युजिक भिडियोमा गायक कुशल थलङ, बिनु तुम्बाहाम्फे, गायक डि. बि. लिम्बू,मिना हुक्पा चोङ्बाङ(यक्सो), डम्बर कुमारी पयाङ्गु(मेन्याङ्बो),शिव सम्बाहाम्फे, पूर्णिमा तुम्बाहाम्फे र रेबिका निङ्लेकूको अभिनय रहेको छ ।

पालम भित्र सृष्टि देखि मानव सभ्यताको विकासद प्रेमसम्मका विभिन्न विषयहरू बताउने लिम्बु समुदायको एक लोकगीत हो । पालम नबुझ्ने लाई अल्छी लागेपनी बुझ्नेलाई यो औधी मन पर्ने र हस्यौली ठट्यौली संगै धुरुधुरु रुवाउने सम्म हुने गर्दछ । पालम लिम्बु समुदायको विभिन्न सांस्कृतिक जमघट, विवाह, चाडपर्व, आदि जस्ता कार्यक्रमहरूमा गाइने गरिन्छ । पालम धान नाच नाच्दा गाइन्छ केटा र केटी बीचको प्रश्न र उत्तर सत्रको रूपमा चरणबद्ध रूपमा गाइने गीत हो । कुशल थलङले थुप्र आधुनिक, चलचित्र, लोक गीत , लिम्बु गीतहरु गाइसकेकाछन । यती धेरै बिभिन्न भाकाका गीतहरु गाएका कुशलले पालम चाँही पहिलोपटक अनुभव गरेको र अवसर पाए अगामी दिनहरुमा पनि पालम गाउँने बताए ।गीत संगीत संगै पछील्लो समय अभिनयमा व्यस्त भएका थलङको पछील्लो चलचित्र ‘युक्पुङ’ हो । यो चलचित्रलाई दर्शकहरुले धेरै रुचाएका पनि छन । यही चलचित्र प्रदर्शनको लागी थलङ र कलाकार गायक डिबी लिम्बु हङकङ पनि जाने भएका छन ।