प्रदर्शनको तयारीमा रहेको चलचित्र ‘कुमारी’ विदेश प्रदर्शनको अधिकार बिक्री

यस वर्षकै प्रतीक्षित नेपाली प्रेम कथानक चलचित्र ‘कुमारी’ को गीतहरु र ट्रेलरले चर्चा पाएसंगै चलचित्रको विदेश प्रदर्शनको अधिकार पनि बिक्रि  भएको छ । अस्ट्रेलिया, संयुक्त राज्य अमेरिका, क्यानडा र मध्यपूर्वका देशहरूका लागि चलचित्र बिक्री भइसकेको निर्माता महेन्द्र अधिकारी ले जानकारी दिए। अस्ट्रेलियामा असकास्ट नेपाल र थ्री केजी इभेन्ट्स, अमेरिकामा आत्रेय प्रोडक्सन र कोसेली कोडोराडो, क्यानडामा मेरो इभेन्ट्स तथा मध्यपूर्वका देशहरूमा नेपफिल्मले चलचित्र रिलिज गर्नेछन्।

‘कुमारी’ को ट्रेलर भने राजधानी काठमाडौंको भृकुटीमण्डपस्थित खुला स्थानमा भव्य कार्यक्रमबीच सार्वजनिक गरिएको छ। अनुमानित दश हजारभन्दा बढी दर्शकको प्रत्यक्ष उपस्थितिमा सम्पन्न यो कार्यक्रम नेपाली चलचित्रको इतिहासमै ट्रेलर सार्वजनिकतर्फको अभूतपूर्व र ऐतिहासिक घटना बनेको छ। लवस्टोरी जनरामा निर्माण भएको चलचित्रमा चर्चित निर्देशक दिनेश राउत फेरी आफनो जनारामा फर्किएका छन । उनले यो चलचित्रमा अहिलेका जेन्जी पुस्ताको प्रेमकथालाई गज्जवले प्रस्तुत गरिएको छ ।

विनिश इन्टरटेन्मेन्टको ब्यानरमा महेन्द्र अधिकारीद्वारा निर्मित तथा विकास सुवेदीद्वारा लिखित चलचित्र ुकुमारीुमा नयाँ अनुहार अबिषेक खड्का र आकृति राजभण्डारीका साथै घनश्याम जोशी, सुनिता श्रेष्ठ, आकाङ्क्षा कार्की, मधु खड्का, सनम श्रेष्ठ, सकु शाह, सरोज लामिछाने, मनषा शर्मालगायत कलाकारको अभिनय रहेको छ।चलचित्र यहि माघ २३ गतेबाट प्रदर्शनमा आउदैछ ।