यहि माघ ९ गतेबाट देशव्यापी प्रदर्शनमा आउने प्रतिक्षित चलचित्र ‘परिवर्तन’को ट्रेलर सार्वजनिक भएको छ । करिब ३ मिनेट लामो एक्सन प्याक्ड ट्रेलरमा सिमा विवाद देखि स्थानिय गुण्डागर्दी र दादागिरीलाई मुख्य बिषय बनाइएको छ । ट्रेलरमा पछिल्लो समयकी चर्चित अनि व्यस्त नायिका अन्जना बराईलीको एक्सनले दर्शकहरुको ध्यान खिच्ने पक्का छ । ट्रेलरमा एक्सन(सस्पेन्स कथावस्तु, एक्सनका दृश्य र पात्रहरूको सम्बन्धलाई प्राथमिकताका साथ प्रस्तुत गरिएको छ । ट्रेलरमार्फत अभिनेता सुशील श्रेष्ठलाई सशक्त एक्सन अवतारमा प्रस्तुत गरिएको छ । अभिनेत्री अञ्जना बराईलीसँगको केमेस्ट्री पनि देख्न सकिन्छ । उनी प्रहरी इन्पेक्टरको भुमिकामा देखिएकी छन् ।
दिव्यासी फिल्म्सको ब्यानरमा निर्माण भएको सिनेमाको ट्रेलरमा सरोज खनाल, करिश्मा मानन्धर, बुद्धि तामाङ, हेमन्त बुढाथोकी, सुवास मेचे लगायतका कलाकारलाई पनि देख्न सकिन्छ । एक्सन(सस्पेन्स विधामा निर्माण गरिएको सिनेमाको निर्देशन विजय केरुङले गरेका हुन् । दीपक शिवाकोटीको कथा तथा निर्माण रहेको सिनेमाको पटकथा तथा संवाद शिवम् अधिकारीले लेखेका छन् ।
निर्देशक विजय केरुङले सिनेमाले दर्शकको अपेक्षा पूरा गर्ने विश्वास व्यक्त गरेका छन् । ‘सिनेमाको कथाअनुसार नै ट्रेलर तयार गरिएको हो । एक्सनसहित सामाजिक सन्देश पनि बोकेको सिनेमाले दर्शकलाई बाँध्ने विश्वास छ,’ उनले भने । सत्ताका लागि नेताले जे सुकै पनि गर्न सक्छन् भन्ने कथालाई सिनेमाको पर्दामा देखाइएको छ ।
सुनसरीको धरान १५ बाट बिपी फोर इन्टरटेन्मेन्ट प्रा.लि.द्वारा सञ्चालित यस हंगामा खबर ले बिशेषगरी चलचित्र,मनोरंजन, स्थानिय समसामयिक बिषयका खोजमुलक समाचार र अन्तरवार्ता प्राथमिकता दिनेछ ।