नेपाली चलचित्रमा अर्को ईतिहास ‘महाजात्रा’ स्वदेश र बिदेशमा एउटै मितिमा रिलिज हुने

नेपाली चलचित्र बजार एउटा अर्को प्रयास सुरु भएको छ । कमै मात्र हुने गरेको मध्ये अब ‘महाजात्रा’ ले सुरुवात गरेको छ । प्राय नेपाली चलचित्र हरु स्वदेशमा मात्र रिलिज भएर सफलता पाएपछी मात्र बिदेश रिलिज हुने गरेको भएपनी ‘महाजात्रा’ अब विश्वाव्यापी एकसाथ प्रदर्शनमा आउने भएको छ । यस बर्षको बहुप्रतिक्षित चलचित्र ‘महाजात्रा’ षट्कोण आर्टसले निर्माण गरेको ‘जात्रा’ शृङ्खलाको तेस्रो भाग ‘महाजात्रा’ नेपाल र भारत बाहेकको प्रदर्शन र वितरणको अधिकार खरिद गरेको एमएसएम इन्टरटेन्मेन्टस्ले प्रदर्शनका लागि वितरण गर्दैछ ।कम्पनिका अनुसार संयुक्त राज्य अमेरिका र क्यानाडामा नाम्लो इभेन्ट्स र कोसेली कोलोराडो, मिडलइस्ट अन्तर्गतका देशमा कन्सेप्ट भिजन र सुप्रिम फिल्म प्रोडक्सन एण्ड डिस्ट्रिव्युसन, युरोप अन्तर्गतका देशमा एनएमटी डेनमार्क, जापानमा आन्वी इन्टरटेनमेन्ट्स, कोरियामा विशाल आवाज मल्टिमिडिया प्राली, न्युजिल्यान्डमा लाखे इभेन्ट्स र अष्ट्रेलियामा स्वयम् एमएसएम इन्टरटेनमेन्टस् र रोटे पिङले फिल्मलाई वितरण र प्रदर्शन गर्दैछ ।

नेपाली फिल्मको बजार विस्तार र प्रवर्द्धनमा महत्वपूर्ण भूमिका निर्वाह गरिरहेका एमएसएम इन्टरटेनमेन्टस्ले ‘जात्रा’का दुवै शृङ्खला दर्शकको मन जितेको कारण विश्वभर एकसाथ भव्य रुपमा प्रदर्शन हुने जनाएको छ ।‘जात्रा’ र ‘जात्रै जात्रा’को व्यावसायिक र समीक्षात्मक सफलता पश्चात षट्कोण आर्ट्सको तेस्रो शृङखला ‘महाजात्रा’ ले अर्काले पैसा लुकाउन लगाउदा आइपर्ने परिस्थितिको बारेमा गज्जबले प्रस्तुत गर्ने सार्वजनिक टिजरले देखाएको छ । सिनेमामा अर्जुन जंग शाही, प्रकाश घिमिरे, राजाराम पौडेल, प्रवीण खतिवडा, दिव्यदेव, सुमन कार्की, शिशिर बाङ्देल, गौमाया गुरुङ, अरविन खड्का लगायतको पनि अभिनय रहने छ । आगामी चैत ९ गते ‘महाजात्रा’ नेपालसँगै विश्वभर एकसाथ प्रदर्शन हुनेछ ।