अभिभावक र सन्तानबीचको सम्बन्धको कथा बोल्ने नेपाली कथानक चलचित्र ‘फुलबारी’ को टिजर रिलिज भएकोछ । कबड्डी फेम निर्देशक राम बाबु गुरुङ्गले निर्देशन गरेको चलचित्र ‘फुलबारी’को टिजर सोमबार रिलिज भएको हो । कमल किशोर मलपानीको कथा , उपेन्द्र सुब्बाको पटकथा रहेको फिल्मको २ मिनेट २ सेकेण्ड लामो टिजरले अभिभावक र सन्तानबीचको सम्बन्धको कथा भनेको छ । यसोदा फिल्म्सको व्यानरमा निर्माण भएको ‘फुलबारी’ मा मनिष ढकालको निर्माता तथा मणिराम पोखरेल कार्यकारी निर्माता रहेकाछन ।
फिल्ममा विपिन कार्की र अरुणा कार्कीलाई जोडीको रुपमा देखाइएकोछ । बिपिन र अरुणाका अलवा दयाहाङ राई, प्रियंका कार्की, गौमाया गुरुङ, शिल्पा मास्के, अनुपम शर्मा, सोमनाथ खनाल, मनिष ढकाल, लोकेन्द्र लेखकलगायतका कलाकारहरुको अभिनय रहेको छ । फिल्म यही फाल्गुन ५ गतेबाट देशभर एकसाथ रिलिज हुँदैछ ।
