चलचित्र रिलिजअघि नै हिट ‘सिरुपाते जुँगामा’

प्राय नेपाली चलचित्र क्षेत्रमा फिल्म रिलिज पूर्व टिजर , ट्रेलर र गीतहरु रिलिज हुनेगर्दछन । फिल्म रिलिज पूर्व रिलिज भएका गीतहरुले खासै चर्चा पाउदैनन । तर पहिलो सिरिजबाटै ब्लक बस्टर बन्दै आएको ‘छक्का पन्जा’ को चौथो सिरिज ‘छक्का पन्जा -४ ‘ यतिबेला भव्य प्रदर्शन भैरहेको छ । यही फिल्म को ट्रेलरमा समाबेश गीत ‘सिरुपाते जुँगामा’ को सानो अंशले सामाजिक संजालहरुमा धमका मच्चायो । शंकर अधिकारी घायलको गीत/ बाबुल गिरीको स्वर संगीत रहेको ‘सिरुपाते जुँगामा’ फिल्म छक्का पन्जा -४ रिलिज भएको ५ दिन पछी रिलिज भएको हो ।

मंगलबार ओएसआर डिजिटल युट्युब च्यानलमार्फत फिल्मको ‘सिरूपाते जुंगामा’ बोलको गीत रिलिज गरिएको हो। गीतको भिडिओमा दीपकराज गिरी र बेनिशा हमालको प्रेम बडो गज्जबका साथ अंकुराएको छ । गीतमा दिपक र बेनिशाका अलवा ‘छक्का पन्जा -४’ मा दिपकको साथीको भूमिका निभाएका पूर्वका चर्चित कलाकार दिनेश कोइराला पनि फिचर्ड छन । दिनेशको कामलाई पनि दर्शकले अत्यधिक मन पराएका छन । दिनेश इटहरीमा बसेर नेपाली चलचित्र क्षेत्रमा सकृय रहेकाछन । हेमराज बीसीले निर्देशनमा बनेको फिल्ममा दीपक र बेनिशासँगै दीपाश्री निरौला, केदार घिमिरे, निर्मल शर्मा, बुद्धि तामाङ, राज आचार्य, सुश्मा निरौला, वेदना राईलगायत कलाकारको अभिनय छ । छक्का पन्जा – ४ ले फेरीपनी नेपाली चलचित्रलाई चलायमान बनाउदै गत शुक्रबारबाट देशभरका हलहरुमा भव्य प्रदर्शन भैरहेकोछ ।