धरान फुटबल क्लव(बुढासुब्बा गोल्डकप) अक्षय कोष स्थापना, हाल कोषमा १६ लाख जम्मा

धरान फुटबल क्लव धरानले, (बुढासुब्बा गोल्डकप) अक्षय कोष स्थापना गरेको छ । शनिवार २६ औ बुढासुब्बा गोल्डकपको समापन समारोहमा क्लवका महासचिव नविन राईले अक्षय कोष स्थापनाको अवधारणा प्रस्तुत गरेका थिए । क्लवले हरेक वर्ष गोल्डकप आयोजना गर्दा दाताहरुबाट सहयोग संकलन गर्दै आएकोमा दाताहरुकै सल्लाह र सुझावद्धारा यस बर्षदेखि कोष स्थापना गरिएको महासचिव राईले स्पष्ट पारे ।

अक्षयकोष नेपाल सरकारको आधिकारिक निकायमा कानुन संवत दर्ता गरी, एकबर्षे मुद्धती खाता खोली सञ्चालन गरिने र कोषमा सहयोग गर्ने, व्यक्ति दाताहरु र संघसंस्थाहरु अक्षयकोषको सदस्य रहनेछन । अक्षयकोष सञ्चालनका लागि ७ सदस्यीय संचालक समिती गठन गरिने छ । जसमा धरान फुटबल क्लवबाट अध्यक्ष सहित २ जना, दाताहरु युके, हङकङबाट दुई दुईजना र धरानका एकजना लप्ध प्रतिष्ठित व्यक्तिबाट एकजना सदस्य रहने महासचिव राईले जानकारी दिए ।

यसैगरी अक्षयकोष सञ्चालनका लागि युके, हङकङ र धरान फुटबल क्लवबाट एकजना गरी तीनजनाको अनिवार्य हस्ताक्षरबाट बैंक खाता सञ्चान गरिने, अक्षयकोषबाट प्रत्येक बर्षको व्याज रकमको ८० प्रतिशत व्याजमात्र बुढासुब्बा गोल्डकपमा खर्चगरिने र बाकी २० प्रतिशत आवश्यक खर्च कटाई कोषको मुलधनमा जम्मा गरिने महासचिव राईले जानकारी दिए । कार्यसमितीको कार्यकाल ४ बर्षको हुने र प्रत्येक ४ बर्षमा संस्थाको अधिवेशन गरी नयाँ कार्यसमिती छनोट गरिने पनि राईले जानकारी दिए । हाल अक्षयकोषमा हाल दुईलाख ७१ हजार जम्मा भईसकेको छ । अहिले केही नयाँ दाताहरुले पनि दिने प्रतिवद्धता जनाए अनुसार दुईलाख ७१ हजार सहित १५ लाख जम्मा हुने राईले जानकारी दिएका छन ।