अन्तरराष्ट्रिय बुढासुब्बा गोल्डकपबाट बाहिरीए पाहुना टोली भारत र भुटानका क्लवहरु

धरानमा जारी २६ औ संस्करणको अन्र्तराष्ट्रिय आमन्त्रण बुढासुब्बा गोल्डकपबाट दुई देश भारत र भुटानका पाहुना क्लवहरु पहिरो चरणबाटै बाहिरीएका छन । पहिलो दिनको उद्धघाटन खेलमा भारतको कालिम्पोङको जर्जियन एफ सी आयोजक धरान फुटबल क्लवसंग ट्राईबेकरमा ४–२ गोलले पराजित भयो भने दोस्रो दिन अर्थात माघ २३ गते भएको दोस्रो क्वाटरफाईनल खेलामा आरटीसी भुटान झापा ११ संग २–० गोलले पराजित भएर बाहिरीएको छ ।

अब बाकी रहेका खेलमा नेपालका क्लवहरु मात्र बाकी रहेका छन । आजको आरसीटी भुटान सँगको खेलमा झापा ११ का खेलाडीद्धय सुनील खडका र राजेश दाहालले गोल गरे । झापा ११ का लागि खेलको पहिलो हापmको ३५ औ मिनेटमा सुनिल खड्काले गोल गरे भने दोस्रो हापmको १८ औ झापाका राजेश दाहालले गोल गर्दै टिमलाई जीत तर्फ लगे ।   खेलको म्यान अफ द म्याच झापाका राजेश दाहालले नगद १० हजार रुपैयाँ प्राप्त गरे ।

भोलि शनिबार प्लानिङ ब्वाइज युनाइटेड काठमाडौं र साविक विजेता न्युरोड टिम काठमाडौंबीच हुने आयोजक धरान फुटबल क्लबका अध्यक्ष प्रताप तामाङले बताएका छन् । बुढासुब्बा गोल्डकपको उपाधि विजेताले ट्रफी र मेडलसहित नगद १० लाख र उपविजेताले ५ लाख रुपैयाँ प्राप्त गर्नेछन् । सर्वोत्कृष्ट खेलाडीले डियो स्कुटर पाउने छन् । प्रतियोगितामा १० टिमले सहभागिता जनाएका छन् । गत २५ औं संस्करणमा चर्च ब्वाइज युनाइटेडलाई २–१ गोल अन्तरले पराजित गर्दै न्युरोड टिम ९एनआरटी० ले उपाधि रक्षा गरेको थियो ।