२६ औ बुढासुब्बा गोल्डकप आजबाट, धरान फुटबल क्लव र जर्जियन एफसी खेल्दै

धरान फुटबल क्लवले आयोजना गर्दै आएको देशकै प्रतिष्ठित अन्र्तराष्ट्रिय आमन्त्रण बुढासुब्बा गोल्डकपको २६ ओै संस्करणको खेलहरु आजबाट सुरुहुदैछ । आज माघ २२ देखि फागुन २ गतेसम्म आयोजना प्रतियोगितामा पहिलो पटक १० टिम सहभागी हदैछन । आजको पहिलो उद्धघाटन खेल आयोजक धरान फुटबल क्लव धरान को विरुद्ध जर्जियन एफसी कालिम्पोङ भारत वीच हुदैछ । आज पहिलो दिन भएकोले उद्धघाटन कार्यक्रम १ः३० बजेबाट र खेल २ः३० बजेबाट सुरुहुने आयोजक धरान फुटबल क्लव धरानले जनाएको छ । यस बर्ष धरान फुटबल क्लवबाट धरानका स्थानिय खेलाडीहरुमात्र खेल्ने टिम कोच कैलाश राईले जानकारी दिए ।

यसबर्षको प्रतियोगितामा सहभागी हुने टिमहरूमा काठमाडौका एन।आर।टि। क्लब, चर्च ब्वाइज क्लब, नेपाल पुलिस क्लब, प्लानिङ ब्वाइज युनाइटेड क्लब, रोयल थिम्पु क्लब (भुटान) जर्जियन क्लब कालेम्पुङ (भारत), एल।ए क्लब पोखरा, सातदोबाटो युथ क्लब ललितपुर, झापा–११ (झापा)ं र आयोजक धरान फुटबल क्लब रहेका छन् । दोस्रो खेल माघ २३ गते रोयल थिम्पु एफसी भुटान र झापा ११ वीच हुनेछ , तेस्रो खेल माघ २४ गते प्लानिङ ब्वाइज युनाईटेड काठमाण्डौ र न्यु रोड क्लव काठमाण्डौ वीच, माघ २५ गते नेपाल पुलिस र चर्च ब्वाईज युनाईटेड काठमाण्डौ वीच हुने छ । प्रतियोगीतामा लालिगुरास पोखरा र सातदोवाटो क्लव ललितपुरले सिधै क्वाटर फाइनल खेल्ने छन । प्रतियोगीता माघ २२ गते देखि फागुन २ गतेसम्म चल्ने छ ।

प्रतियोगिताको विजेताले नगद १० लाख रुपैयाँ र उपविजेताले नगद ५ लाख रुपैयाँ प्राप्त गर्नेछन् । साथै, उत्कृष्ट खेलाडीलाई यस वर्ष होन्डा स्कुटर प्रदान गरीने जनाएको छ । गत वर्ष नगद १ लाख प्रदान गरीदै आएकोमा यस वर्ष होण्डाको स्कुटर प्रदान गरीन लागेको हो । प्रत्येक खेलको म्यान अफ द म्याचलाई १० हजार रुपैयाँ, उत्कृष्ट गोलरक्षक, डिफेन्डर, मिडफिल्डर, स्ट्राइकर तथा उत्कृष्ट प्रशिक्षकलाई जनही २५ हजार रुपैयाँ र सर्बाधिक गोलकर्तालाई ३५ हजार रुपैयाँ प्रदान गरिने आयोजकले जनाएको छ । प्रतियोगितामा अनुमानित १ करोड ७ लाख आम्दानी हुने र ८७ लाख १५ हजार खर्च हुने अनुमान गरीएको छ । यस बर्षको प्रतियोगिताबाट २० लाख आम्दानी गर्ने लक्ष्य राखिएको क्लबका महासचिव नवीन राईले बताउनुभयो ।