भूगोल र मन जोड्न नेपाली कम्युनिस्ट पार्टीको पैदल यात्रा सुरु

सुनसरी क्षेत्र नम्बर १ मा आगामी फागुन २१ गते हुन गइरहेको निर्वाचनलाई लक्षित गर्दै नेपाली कम्युनिस्ट पार्टीका उम्मेदवार सूर्य बहादुर भट्टराई ९मनोज०को सचिवालय टिमले बुधबार बिहानदेखि प्रतीकात्मक पैदल यात्रा सुरु गरेको छ।
धरान–१४ स्थित विजयपुर दरबारबाट सुरु गरिएको यात्राले उम्मेदवार भट्टराईको चुनावी नारा “सुनसरी क्षेत्र नम्बर १ को भूगोल र मन जोड्न मेरो उम्मेदवारी”लाई व्यवहारमै उतार्ने सन्देश दिएको सचिवालयले जनाएको छ।

सचिवालय सदस्य जनकऋषि राईका अनुसार यात्रा बुढासुब्बा मन्दिर, दन्तकाली मन्दिर, पिण्डेश्वर मन्दिर, धरान पुरानो बजारस्थित जामा मस्जिद, धरान–१८ को गुम्बा, चर्च लगायत अन्य स्थान हुँदै बिष्णुपादुका मन्दिरबाट बराहक्षेत्र पुगेर पहिलो दिनको यात्रा टुंगिनेछ।
दोस्रो दिन बराहक्षेत्र मन्दिर हुँदै रामधुनी मन्दिर पुगेर पुनः धरान फर्किएर यात्रा समापन गरिने कार्यक्रम रहेको छ।

राईका अनुसार “भूगोल” भन्नाले सुनसरी क्षेत्र नम्बर १ अन्तर्गत पर्ने धरान, बराहक्षेत्र नगरपालिका–१ देखि ५ र रामधुनी नगरपालिका–६ र ७ लाई आपसमा जोड्ने सन्देश हो। “मन” भन्नाले हिन्दु, किरात, बौद्ध, इस्लाम र इसाई लगायतका धर्मावलम्बीका आस्थास्थलमा पुगेर सम्मान व्यक्त गर्दै धार्मिक सद्भाव र एकता सुदृढ गर्ने उद्देश्य हो।पैदल यात्रामार्फत उम्मेदवार भट्टराईले भौगोलिक दूरी मात्र होइन, विविध समुदायबीचको भावनात्मक सम्बन्ध बलियो बनाउने प्रतिबद्धता व्यक्त गरेको सचिवालयले जनाएको छ ।