मनोज भट्टराईलाई जिताउन, चुनाव प्रचारप्रसारको लागि सम्पर्क कार्यालय स्थापना

प्रतिनिधी सभा चुनावमा सुनसरी क्षेत्र नम्वर १ का नेपाली कम्युनिष्ट पार्टीका उम्मेद्धार सुर्यबहादुर भट्टराई लाई जिताउन लाई गठित चुनाव प्रचार–प्रसार समितीको सम्पर्क कार्यलय धरानमा स्थापना भएको छ । कार्यलय धरान ३ सदन रोडमा स्थापना गरिएको हो । सोमबार कोशी प्रदेशका पूर्व मुख्यमन्त्री तथा प्रदेश सह–इन्चार्ज राजेन्द्र कुमार राईले रिवन काटेर विधिवत रुपमा उद्धघाटन गरेका हुन ।सम्पर्क कार्यालय उद्घाटन समारोहमा बोल्दै राईले नेकपाका उम्मेदवार सुर्यबहादुर भट्टराई एक सफल जनप्रतिनिधी, कुनै दाग नभएका सरल स्वभावका धरानको माटोले जन्माएको भएकोले सबैले साथ दिन आग्रह गरे ।

निर्वाचित भएपछि केन्द्रसँग समन्वय भएका विकास योजनाहरू अघि बढाइन अझ सजिलो हुने बताए । धरानको दीर्घकालीन खानेपानी समस्या समाधान, सडक पूर्वाधार विकास तथा सुकुम्बासी समस्याको व्यवस्थित समाधानलाई प्राथमिकतामा राख्दै सुनसरी क्षेत्र नम्बर–१ बाट प्रतिनिधिसभा उम्मेदवार मनोज भट्टराईलाई विजयी गराउन अपिल गरे।विगतका उम्मेदवारहरूले गरेका प्रतिबद्धता र अधुरा योजनाहरू पूरा गर्ने जिम्मेवारी आफूहरूको काँधमा रहेको बताए ।

राईले मुलुकको आवश्यकता अनुसार माओवादी केन्द्र, एकीकृत समाजवादी र जनता समाजवादी पार्टीसँग तालमेल तथा सहकार्य गरिएको जानकारी दिए।कार्यक्रममा नेकपाका केन्द्रीय सदस्य किरण राईले सुनसरी–१ मा पार्टीका उम्मेदवार मनोज भट्टराई राजनीतिक अनुभव र क्षेत्रगत प्रभावका आधारमा सबैभन्दा सबल उम्मेदवार रहेको दाबी गरे।
उनले मतदातालाई चुनाव चिन्ह ‘तारा’मा मतदान गरी भट्टराईलाई विजयी गराउन आग्रह गर्दै, भट्टराईको विजय कुनै एक व्यक्तिको मात्र नभई मुलुकको वर्तमान राजनीतिक संकट समाधानका लागि आवश्यक रहेको बताए।उनका अनुसार निर्वाचन व्यवस्थापनका लागि ५०१ सदस्यीय मूल निर्वाचन परिचालन समिति गठन भइसकेको छ र सबै कार्यकर्ताहरू कार्यविभाजनसहित मैदानमा खटिसकेका छन्।

व्यक्तिगत आग्रह, सामाजिक सञ्जालको हल्ला, जातीय वा क्षेत्रीय भावनामा नबसी देशको भविष्यका लागि मतदान गर्न उनले मतदातालाई अनुरोध गरे।निर्वाचन परिचालन समिति संयोजकसमेत रहेका किरण राईले सचिवालयमार्फत सुनसरी–१ मा नेकपाका उम्मेदवार मनोज भट्टराईलाई विजयी गराउन सम्पूर्ण निर्वाचन गतिविधि सञ्चालन गरिने जानकारी दिए।भट्टराई जनताको पक्षमा काम गर्ने निष्पक्ष र इमानदार नेता भएको दाबी गर्दै, उनले दुई कार्यकाल धरान–१७ का वडा अध्यक्षका रूपमा जनमुखी काम गरेको अनुभव रहेको उल्लेख गरे।