चलचित्र ‘लालीबजार’ को पहिलो गीतमा स्वस्तिमा र समाइराको बबाल नृत्य

यहि बैशाख १८ गतेबाट प्रदर्शनमा आउन लागेको चलचित्र ‘लालीबजार’ को पहिलो गीत सार्वजनिक भएको छ । पश्चिमी नेपालको लोकभाकामा आधारित रहेको मायालाई के दिउ बैना बोलकाृ गीतमा अहिलेका चर्चित गायक खेम सेन्चुरी र दीपिका बयाम्बु मगर को आवाज रहेको छ । रमेश बिजीको शब्द रहको गीतलाई सेन्चुरीलेनै संगीत दिएका छन ।

सर्वाधिक सफल चलचित्र ‘जात्रा’ शृङ्खलामार्फत स्थापित भएको व्यानर षट्कोण आट्र्सले निर्माण गर्ने नयाँ चलचित्र ‘लालीबजार’ को यो गीतमा स्वस्तिमा खड्का, रवीन्द्रसिंह बानियाँ, बाल कलाकार समाइरा थापा, मुकुन्द श्रेष्ठ तथा डेब्यु कलाकार विशाल देवकोटा फिचर्ड छन् । प्रदीप लामाको कोरियोग्राफी रहेको गीतमा स्वस्तिमा र समाइराको नृत्य मुख्य आकर्षण बनेको छ ।

यस अघि रिलिज भएको टिजरले पश्चिम नेपालमा अझैपनि कहिकतै रहेको परम्परा माथि रहेर निर्माण गरिएको चलचित्र ‘लाली बजार’ को टिजरले आशा जगाएको छ । चलचित्र एक आमा छोरीको मिठो कथा हो ।सधै फरक भुमीकामा अब्बल देखिदै आएकी स्वतिमा यो ‘लाली बजार’ मा पनि निकै फरक भुमीकामा देखिएकी छिन ।

चलचित्रको प्रदर्शन मिति आगामी वर्ष विसं २०८३ वैशाख १८ गतेलाई तय गरिएको छ । बर्दियाको राजापुरमा छायांकन गरिएको उक्त फिल्ममा स्वस्तिमा खड्का, रवीन्द्रसिंह बानियाँ, समाइरा थापा, मुकुन्दकुमार श्रेष्ठ, अभय बराल, प्रेम पाण्डे, आशा पौडेल, गोविन्द सुनार, आभा अर्याल, तारा शर्मा, रमेश वादी, सरस्वती अधिकारी लगायतको अभिनय रहेको छ ।

यसै चलचित्र मार्फत विशाल देवकोटा र प्रसंशा सुवेदीले डेब्यु गर्दैछन् । निर्देशक यम थापाको कथा तथा निर्देशनमा तयार भएको फिल्म ‘लालीबजार’ को पटकथा र संवाद निर्देशक थापा र निर्देशक प्रदीप भट्टराईले संयुक्त रुपमा तयार गरेका हुन् । अभिनेत्री खड्काको नियमित भन्दा फरक भूमिकाले ‘लालीबजार’ प्रति दर्शकको उत्सुकता बढिरहेको छ ।षट्कोण आर्ट्सको व्यानरमा निर्माण भएको चलचित्र यम थापाको लेखन तथा निर्देशनमा तयार हुने ‘लालीबजार’ लाई रवीन्द्रसिंह बानियाँ र म्याक्स दीपेस खत्रीले निर्माण गर्दैछन् भने यसका कार्यकारी निर्माता प्रदीप भट्टराई हुन् ।