चलचित्र ‘झरी पछिको ईद्रेणी’ को गीतमा तीन पुस्ते नायिकाको ठुम्का

यहि पौष ४ गतेबाट प्रदर्शनमा आउन लागेको प्रतिक्षित चलचित्र ‘झरी पछिको ईद्रेणी’ को पहिलो गीत फसायो लमीले बोलको गीतको म्युजिक भिडियो सार्वजनिक भएको हो । गीत काठमाडौं महानगरपालिका प्रमुख बालेन शाहको यूट्युबबाट रिलिज भएको हो । रमेश परियारको शब्द, सङ्गीत रहेको गीतमा समीक्षा अधिकारी र वसन्त थापाको स्वर रहेको छ । गीतमा तीन पुस्ताका कलाकारहरु रमेश उप्रेती, दिपाश्री निरौला, अञ्जली अधिकारी र प्रदीप लामासहितका कलाकारहरुको प्रस्तुती रहेको छ भने मौसम हिमालीको नृत्य निर्देशन रहेको छ । अधिकारी र लामाको गितमा अतिथी भूमिका हो ।

चर्चित हास्यकलाकार पाँडे नामले परिचित कलाकार अर्जुन घिमिरेको निर्देशन, कथा, पटकथा र संवाद भएको चलचित्रको निर्मात्री अनिशा सेन्दाङ लिम्बु हुन । उनलाई सह– निर्माताको रुपमा अनु थापा, पंकज खड्का,राम कार्की र सुबास शर्मा र लाइन प्रोड्युसरमा योगेश खतिवडा र विनोद कँडेलले सघाएका छन । नागराज इन्टरटेन्मेन्ट प्रालिले निर्माण गरेको चलचित्रमा गणेश उप्रेती, रमेश उप्रेती, प्रकाश घिमिरे, दीपाश्री निरौला, सरिता गिरी, देशभक्त खनाल, निर्मल शर्मा, कृष्ण शिवाकोटी, कृष्णभक्त महर्जन, अर्जुन घिमिरे, प्रियना आचार्य, अंशु महर्जन, राजेन्द्र नेपाली, लक्षणा राईलगायतको अभिनय रहेको छ।