दान्वीको रोमान्टिक गीत ‘मायाको खानी’ मा कुन्सान र पूजाको गज्जब जोडी

यही असार ७ गते बाट प्रदर्शनमा आउन लागेको चलचित्र दान्वीको पहिलो रोमान्टीक गीत रिलिज भएको छ । यस अघी जेठ १० गतेको लागी प्रदर्शन मिती तोकेको दान्वीको निर्माण टीमले असार ७ गतेलाई प्रदर्शनमा ल्याउन लागेको हो । प्रेम गीत हुँदै म यस्तो गीत गाउछु जस्तो रोमान्टीक मुवीमा काम गर्दै आएकी पूजा शर्माको यो फिल्म एक एक्सन फिल्म हो । निर्माण टीमले पोस्टर टिजर सार्वजनीक गरिसकेको छ । पोस्टर र टिजरमा एक्सन अवतारमा देखिएकी पूजा यस फिल्मको पहिलो गीतमा भने निकै रोमान्टीक लवर गर्लको रुपमा देखिएकी छिन । फिल्मका मुख्य कलाकार पूजा शर्मा र डेव्यु नायक कुन्सान बोम्जनको मुख्य अभिनय रहेको ‘दान्वी’ को पहिलो गीत ‘मायाको खानी’ बोलको गीतलाई प्रदिप प्रखर पोख्रेल ले लेखेका छन भने मेलोडियस कम्पोजर अर्जुन पोखरेलले कम्पोज गरेका छन ।

गीतमा सुरेश लामा र ममता गुरुङले आवाज दिएका छन । अर्जुनको अघिल्लो गीतहरु सँग धेरै लय मिले पनि गीत निकै राम्रो बनेको छ । रोमान्टीक अवतारमा देखिएको कुन्सान र पूजाको जोडी निकै राम्रो देखिएको छ ।सन्जोग कुँवर रानाको पटकथा तथा संवाद, रविना थापा मगरको कथा रहेको दान्वीलाई रुपेश तामाङको निर्देशन गरेका छन ।नेपाल र भारतका विभिन्न लोकेशनमा खिचिएको यो गीतको सिनेमेट्रोग्राफर हरि प्रसाद घले हुन । बन्दे प्रसादको सम्पादन, श्री श्रेष्ठको एक्सन, कविराज गहतराज र रामजी लामिछानेको कोरियोग्राफी छ । देव मगर र अनुप गदाल निर्माता रहेको फिल्म दान्वीको पवन राना मगर कार्यकारी निर्माता,कमला लिम्बु, पन्च बहादुर तामाङ र आदर्श पौडेल सह–निर्माताको रुपमा छन् ।