जनताको सेवा गर्न मेरो उम्मेदवारी : डा सुनिल शर्मा

 

संयुक्त लोकतान्त्रिक बाम गठवन्वन्धनका तर्फबाट प्रतिनिधिसभा सदस्यका लागि मोरङ क्षेत्र नम्बर ३ का साझा उम्मेद्वार डा सुनिल शर्माले जनताको सेवा गर्न र यो क्षेत्रको भौतिक विकास गर्न आफ्नो उम्मेदवारी रहेको बताएकाछन । चुनाव प्रचार प्रसारको क्रममा घरदैलो अभियान अन्तर्गत मोरङ क्षेत्र नम्बर ३ को आइतवारेमा भएको कोणसभालाइ संवोधन गर्दै शर्माले निर्वाचनपछि आफ्नो ध्यान जनताको सेवा गर्ने र यो क्षेत्रको भौतिक विकासमा हुने बताएकाछन । शर्माले भोट माग्न आउदा जनताले देखाएको अपार मायाँ र आफुमाथि गरेको विश्वास आफ्नो लागि सवैभन्दा ठुलो सम्पति भएको बताए । घरदैलो अभियानमा जनताले गरेको यो मायाँ र भरोसा कहिले पनि टुट्न नदिने भन्दै यस क्षेत्रको ” स्वास्थ्य, शिक्षा देखि भौतिक पुर्वाधारको विकाशमा जनताले महसुस गर्ने गरि काम गर्ने प्रतिबद्दत्ता जनाए ।

आफ्नो पहिलो चुनावी एजेन्डानै आम नागरिकका लागि स्वास्थ्यमा पहुच बढाउन स्वास्थ्य विमा कार्यक्रम भएकोले यसलाई अझै प्रभावकारी ढंगले कार्यन्वयन गर्न लागिपर्ने बताए । यस अघिका सांसद जस्तो चुनाव जितेपछि जनतालाई बेवास्ता गर्दै नभाग्ने र जनताको जुन सुकै सुख दुखमा संगै रहेको बाचापनि शर्माले गरेका छन । कार्यक्रममा शर्माले मोरङमा गठवन्धन आवद्ध पार्टीहरुको एकताको पनि तारिफ गरे । देशभर हामीले संविधान र लोकतन्त्रका पक्षधर पार्टीहरुले प्रतिगमनका विरुद्ध गठवन्धन गरेका छौं शर्माले भने “तर मोरङमा सवैभन्दा बलियो गरि गठवन्धन भएको छ ” ।

प्रतिनिधिसभा र प्रदेशसभामा उम्मेद्वार नहुदा पनि माओवादीका नेता तथा कार्यकर्ताहरु यो क्षेत्रको विकाश र लोकतन्त्रका लागि गठवन्धनलाइ जिताउन आफुभन्दा बढी खटेर लागेको शर्माको भनाइ थियो ।टोल टोलबाट खबर आइरहेको छ शर्माले भने “गठवन्धनमा आवद्ध दलहरु एक भएर चुनावका लागि रात दिन नभनि लागि रहेका छन ” गठवन्धनका शिर्षनेता , उम्मेद्वार देखि गाँउ कमिटिसम्मको यो सक्रियताले मंसिर ४ गतेको निर्वाचनबाट गठवन्धनको जित सुनिश्चित भएको शर्माको भनाइ थियो ।