मंसिर यता चर्च ब्वाइज र एनआरटी तेस्रो पटक फाइनल खेल्दै, बुढासुब्बा गोल्डकप तेस्रो भेट

मंसिर यता चर्च ब्वाइज र एनआरटी क्लब तेस्रो पटक फाइनल खेल्दैछन । मंसिर यता चर्च ब्वाइजले ४ वटा प्रतियोगिताको फाइनल खेलिसकेको‌ छ । त्यसमा झापा कप र फाल्गुनन्द गोल्डकप जितेको थियो। इलाम गोल्डकप र सिक्किमका गभर्नस गोल्डकपमा दोस्रो भएको थियो। ४ मध्ये २ वटा फाइनल चर्च ब्वाइज र एनआरटीले एक अर्कामा भिडेका थिए ।

मंसिरमा इलाम गोल्डकपको फाइनल एनआरटीले चर्च ब्वाइजलाई ३-० ले हराएको थियो, त्यसपछि भएको झापा कपको फाइनलमा चर्च ब्वाइजले एनआरटीलाई ३-१ ले हराएको थियो। अब भने दुई महिना भित्र तेस्रो पर्तक फाइनलमै भेट पक्का गरेको चर्च ब्वाइज र एनआरटी धरानमा जारी २५ औ अन्तररास्ट्रीय आमन्त्रण बुढासुब्बाको फाइनल खेल्दै छन । सहिद स्मारक ए डिभिजन लिग विजेता चर्च ब्वाइज युनाइटेड र न्यु रोड टिम (एनआरटी) ले आहा र बुढासुब्बा दुवै प्रतियोगिता सहभागी छ ।

आज धरानमा भएको अन्तिम सेमिफाइनल खेलमा एनआरटी क्लब भारत खर्साङको युके एफ सीलाई ३–१ गोल अन्तरले पराजित गर्दै एनआरटीले २५ औँ संस्करणको अन्तर्राष्ट्रिय आमन्त्रण बुढासुब्बा गोल्डकपको फाइनलमा प्रवेश गरेको हो । आज भएको खेलमा शिसिर लेखी एक गोल एक असिस्ट र प्रदीप बुढाथोकीको दुई गोलमा एनआरटी फाइनलमा पुगेको हो । खेलको म्यान अफ द म्याच एनआरटीका शिशिर लेखी घोषित भए । उनलाई नगद १० हजार पुरस्कार प्रदान गरिएको थियो ।

एनआरटी डिफेन्डिङ च्याम्पियन पनि हो । चर्च ब्वाइज यस अघीनै भुटान प्रिमियर लिग तालिकाको चौथो स्थानमा रहेर लिग खेलिरहेको रोयल थिम्पु कलेज आरटिसीलाई ७-० गोल अन्तरले पराजित गर्दै फाइनलमा पुगिसकेको छ । फाइनल खेल आउदो शनिबार धरान रङ्गशाला धरान १६ मा हुनेछ । यही टिम पोखरामा जारी २४ औं आहा! रारा पोखरा गोल्डकप फुटबल प्रतियोगिताको क्वाटरफाइनलमा पनि आज भिडेका थिए । खेलमा सडन डेथमा गोलकिपर टिकेन्द्र थापा नायक बनेपछि एनआरटीलाई पराजित गर्दै चर्च ब्वाइज युनाइटेड क्वाटरफाइनलमा प्रबेश गरेको छ ।