१२ औ केपीलासगढी बाक्सिला रनिङ गोल्डकप फागुन २ गतेबाट,उदघाटन खेलमा नेर्पा र बाहुनडागी भिडने

खोटाङ जिल्लाको प्रतिष्ठित फुटबल प्रतियोगीता ‘बाक्सिला रनिङ्ग गोल्डकप फुटबल प्रतियोगिताको १२ औ संस्करण, १२ औ केपिलासगढी बाक्सिला रनिङ्ग गोल्डकप फुटबल प्रतियोगिता -२०८० यही फागुन २ गतेबाट सुरुहुनेभएकोछ । १२ औ संस्करणमा बाक्सिलाकै दुई टिम सहित जम्मा ८ टिमले सहभागीता जनाउदैछन । प्रतियोगीताको तयारीबारे जानकारी दिन शनिबार बाक्सिलामा आयोजित पत्रकार सम्मेलनमा प्रतियोगीताको तयारी सम्पन्न भएको जानकारी गराइयो । केपिलासगढी गाउपालिकाको सभाहलमा आयोजित पत्रकार सम्मेलनमा गाउपालिका अध्यक्ष समिर राइले उदघाटन गर्ने खेलमा उदघाटन खेल भने नेर्पा स्पोर्टस क्लब र बाहुनडागी फुटबल क्लबवीच हुने बाक्सिला फुटबल क्लबका सचिव पवन श्रेष्ठले जानकारी दिए । खेल पृथ्बी माबि बाक्सिलाको खेलमैदानमा सञ्चालन हुने छ ।

यसैगरी दोस्रो दिन अर्थात फागुन ३ गते दिउँसो १.३० बजे खारम्बु स्पोर्टस क्लब खार्मी र कटारी फुटबल क्लव उदयपुर र फागुन ४ गते दिउँसो १ बजे बाँझे स्पोर्टस क्लव र बाक्सिला फुटबल क्लव (ब्लु) तथा फागुन ४ गते दिउँसो ३ बजे भगवती स्पोर्टस क्लव खोटाङबजार र बाक्सिला फुटबल क्लव (रेड) बीच खेल हुने बाक्सिला सचिव श्रेष्ठले जानकारी दिए। मोफसलमा फुटबल बिकासको लागी बिभिन्न योजना बनाएर प्रतियोगीता गर्नु निकै चुनौतीपूर्ण भएपनी फुटबल प्रेमी शुभचिन्तकहरुको निरन्तर सहयोगले १२ पटक पनि प्रतियोगीता गर्नको लागी सफल भएको क्लबका अध्यक्ष शिबकुमार राईले बताए। उनले बाक्सिलाको फुटबल बिकासमा सुरुदेखीनै सहयोग गर्दै आउनुभएका सहयोगीहरुलाई धन्यवाद दिदै निरन्तर साथ र सहयोग अपेक्षा गरे । यस बर्षको च्याम्पियन टिमले नगद दुई लाख ५५ हजार २१२ र उपविजेता बन्ने टिमले एक लाख २८ हजारका साथमा शिल्ड, मेडल र प्रमाणपत्र पाउने अध्यक्ष राईले बताए । बिजेतालाई मात्र नभएर गोल्डकपमा सहभागी टिम पहिलो चरणमा पराजित भएर बाहिरिने चार टिमलाई प्रतीटिम नगद ३० हजार र दोश्रो खेलमा पुगेर बाहिरिने दुई टिमलाई प्रतिटिम ६० हजार प्रदान गरिनेपनी राईले बताए । १२ औ संस्करणको गोल्डकपको मुख्य प्रायोजक केपिलासगढी गाउपालिका रहेकोले प्रतियोगीताको नाम ‘१२ औ केपीलासगढी बाक्सिला रनिङ गोल्डकप -२०८०’ राखिएको छ । यस बर्षको प्रतियोगीताको लागत खर्च करीव २२ लाख अनुमान गरिएकोछ ।