बिगत ६७ बर्षदेखी फ्रान्स फुटबल म्यागेजिनले निरन्तर प्रदान ग्र्दै आएको उत्कृष्ट खेलाडीले पाउने बालन डी’अर अवार्ड अर्जेन्टेनी कप्तान लियोनल मेसीले आठौं पटक जितेका छन् । भने महिला तर्फ बार्सिलोनाको मिड फिल्डर स्पेनकी आइटाना बोमतीले जितिन । मंगलबार पेरिसमा आयोजित अवार्ड घोषणा समारोहबाट मेसी विजेता चुनिएका हुन् । हरेक वर्ष प्रदान गरिने यो अवार्ड वर्षको उत्कृष्ट प्रदर्शन गर्ने खेलाडीलाई दिइन्छ । गत वर्ष कतारमा सम्पन्न फिफा विश्वकपको उपाधि मेसीकै कप्तानीमा अर्जेन्टिनाले जितेको थियो । अर्जेन्टिनालाई ३६ वर्षपछि विश्वकपको उपाधि दिलाउन मेसी प्रतियोगिताको उत्कृष्ट खेलाडी चुनिएका थिए । उनले विश्वकपमा कुल सात गोल गरेका थिए । मेसीले यसअघि सन् २००९ देखि २०१२ सम्म लगातार चार पटक बालोन डी’अर जितेका थिए । यस्तै, सन् २०१५, २०१९ र २०२१ मा यो अवार्ड जितेका थिए ।मंगलबार मेसीले म्यानचेस्टर सिटी तथा नर्वेका एर्लिङ हाल्यान्ड र फ्रान्सका काइलियन एमबाप्पेलाई पछि पारे । हाल्यान्डले दोस्रो स्थान पाउँदा पेरिस सेन्ट जर्मन (पीएसजी) का एमबाप्पे तेस्रो भए ।
