माल्दिभ्सलाई ४–१ गोलले पराजित गर्दै नेपाल सेमिफाइनलमा

काठमाण्डौमा जारी यु–१९ साफ च्याम्पियनसिपमा माल्दिभ्सलाई ४-१ गोल अन्तरले हराउदै नेपाल सेमिफाइनलमा प्रबेश गरेकोछ । दशरथ रंगशालामा माल्दिभ्सलाई फराकिलो गोल अन्तरले पराजित गर्दै नेपालले सेमिफाइनलमा आफ्नो स्थान सुरक्षित गरेको हो। पहिलो हाफमै २–० को अग्रता लिएको नेपालले दोस्रो हाफमा थप दुई गोल गरेको थियो । समूह ए बाट पाकिस्तान समूह विजेता र नेपाल उपविजेता बन्दै सेमिफाइनलमा पुगेका हुन् । नेपालको जितमा समिर तामाङले दुई, प्रशान्त लक्सम र निराजन धामीले एक एक गोल गरे । नेपालले सेमिफाइनलमा समूह बी को विजेतासँग खेल्नेछ ।