एट्लेटिक मड्रिडले रियल मड्रिडको तोरीको फुल देखाइदिएको छ । आफ्नो घरेलु मैदानमा एट्लेटिकले रियललाई ३-१ को हार चखाएको छ । खेल सुरु भएको तेस्रो मिनेटमै मोराटाको हेडर मार्फत एट्लेटिकले अग्रता लिएको थियो । लगातरै खेलको १७ औ मिनेटमा ग्रिजम्यानले पनि हेडर मार्फतनै दोस्रो गोल गरेका थिए । रियलका लागी टोनी क्रुसले एक गोल फर्काए पनि दोस्रो हाफको सुरुवातमा नै साउल निगुएजको बललाई हेडर मार्फतनै जाली चुमाउँदै मोराटाले एट्लेटिकोको जित सुनिश्चित गरे । अल्भारो मोराटाले दुई गोल गरेपछि एट्लेटिको मड्रिडले आफ्नो चिर प्रतिद्वन्द्वीमाथि शानदार जित निकाल्दै ला लिगामा रियल मड्रिडको शत प्रतिशत सुरुवातमा पूर्ण विराम लगाएको छ।जितले एट्लेटिकोलाई तालिकाको पाँचौँ स्थानमा पुर्याएको छ, जबकि यस सिजनमा पहिलो पटक अङ्क गुमाएको रियल बार्सिलोना र जिरोना पछि तेस्रो स्थानमा छ ।
सुनसरीको धरान १५ बाट बिपी फोर इन्टरटेन्मेन्ट प्रा.लि.द्वारा सञ्चालित यस हंगामा खबर ले बिशेषगरी चलचित्र,मनोरंजन, स्थानिय समसामयिक बिषयका खोजमुलक समाचार र अन्तरवार्ता प्राथमिकता दिनेछ ।