रियल मड्रिडलाई ४-० ले हराउँदै म्यानचेस्टर सिटी फाइनलमा

म्यानचेस्टर सिटी यूईएफए च्याम्पियन्स लिग फुटबलको फाइनलमा पुगेको छ । सिटिको आफ्नो स्टडियम इत्तिहाद स्टेडियम मा गएराती भएको सेमिफाइनल खेलमा साविक विजेता रियल मड्रिडलाई ४-० गोल अन्तरले हराउँदै म्यानचेस्टर सिटी यूईएफए च्याम्पियन्स लिग फुटबलको फाइनलमा पुगेको हो । सिटी र रियल मड्रिडले पहिलो लेगमा १–१ गोलको बराबरी खेलेका थिए । सिटीको जितमा बर्नाडो सिल्भाले दुई तथा म्यानुयल एकान्जी र जुलियन अल्भारेजले समान एक/एक गोल गरे । सिटी सन् २०२०/२१ को सिजनमा फाइनलमा पुगे पनि चेल्सीसँग पराजित भएको थियो ।सिटीले उपाधिका लागि इन्टर मिलानसँग जुन १० मा फाइनल खेल्नेछ ।