२३ औ बुढासुब्बा गोल्डकपको फाइनलमा एभिनिएर एफ सी क्यामरुन

धरानमा जारी २३ औ बुढासुब्बा टुबोर्ग गोल्डकपमा फाइनल पुग्ने अर्को टीम एभिनिएर एफसी क्यामरुन रहेकोछ । अब उपाधिको लागि एभिनियर फुटबल क्लब क्यामरुन र काँकडभिट्टा फुटबल ट्रेनिङ सेन्टर झापाबिच प्रतिस्पर्धा हुने भएको छ । एभिनिएर एफसी क्यामरुनले आज बिहीवार भएको अन्तिम सेमिफाइनल खेलमा एन्फा मोरङलाई २-० गोल अन्तरले पराजित गर्दै फाइनल यात्रा तय गरेको हो । आजको खेलको म्यान अफ द म्याच एभिनियरका जिन जियोन भए , उनले नगद रु १० हजार प्राप्त गरे । फाइनल खेल अगामी शनिबार हुने आयोजक धरान फुटबल क्लबले जनाएकोछ ।