कोरोना भाईरस कोभिड १९ का कारण दुई बर्ष स्थगित भएको मोफसलकै पुरानो अन्तरराष्ट्रिय आमन्त्रण गोल्ड कप बुढा सुब्बा गोल्डकपको २३ औ संस्करण भोली अर्थात फागुन १३ गते देखी फागुन २० गते सम्म धरान- १६ स्थित धरान रंगशालामा आयोजना हुने भएकोछ । २३ औ अन्तरराष्ट्रिय आमन्त्रण बुढासुबा टुबोर्ग गोल्डकप फुटबल प्रतियोगीताको तयारी समाप्त भएको बारे जानकारी दिन शुक्रबार खेल मैदान धरान रङ्गशालामा आयोजित पत्रकार सम्मेलन प्रतियोगिताको सम्पूर्ण तयारी सकिएकोछ आयोजक धरान फुटबल क्लबका अध्यक्ष किशोर राइले जानकारी दिए । तीन वटा बिदेशी टिम सहित ८ टिमले सहभागीता जनाउने आयोजक धरान फुटबल क्लबका अध्यक्ष किशोर राईले जानकारी दिए । सहभागी टिमहरुमा KBPS, बंगलादेश , AVENIR F.C. केमरुन , UK F.C. भारत, नेपाल पुलिस क्लब काठमाण्डौ, K.F.T.C झापा , एण्फा मोरङ र आयोजक धरान फुटबल क्लब धरान रहने आयोजकले जनाएकोछ । भोलीको उदघाटन खेल भने UK F.C. भारत र आयोजक धरान फुटबल क्लबवीच हुने आयोजकले जनाएकोछ ।गोल्डकपको औपचारिक कार्यक्रमको उदघाटन धरान उपमहानगरपालिकाका मेयर हर्क राज राई (हर्क साम्पाङ) ले गर्ने कार्यक्रम तय भएको छ् । उद्घाटन समारोहमा ब्रिटिश गोर्खा ब्रिगेड ब्याण्डको ९० जनाको टोलीले बिशेष प्रस्तुती दिने अध्यक्ष राईले जानकारी दिए ।
यस बर्षदेखी गोल्डकपले आफ्नै एप्स कृयट गरेकोछ । यो एप्समा गोल्डकप सम्बन्धी सम्पूर्ण जानकारी राखिने आयोजकले जनाएकोछ । साथै घरमै बसी बसी अनलाइन टिकट पनि बुक गर्न सकिने व्यवस्था मिलाइएको आयोजकले जनाएकोछ । धरान फुटबल क्लब आयोजक रहेको प्रतियोगिताको संयोजक धरान उपमहानगरपालिका , मुख्य प्रायोजक टुबोर्ग बियर , सह प्रायोजकमा somersby , नेको इन्स्युरेन्स , राष्ट्रिय बाणिज्य बैंक ,एनी स्पोर्टस , आईएमई ,सुनसरी टेक्निकल कलेज , डाइनामिक फुड र अन्नपूर्ण सिमेन्ट रहेकाछन । यसैगरी बिशेष सहयोगीमा १ नम्बर प्रदेश सरकार , राष्ट्रिय खेलकुद परिषद , खेलकुद बिकास बोर्ड , १ नम्बर प्रदेश ,एन्फा , धरान हङ्कङ मन्च , र हङकङ नेप्लिज युथ एशोसियसन हङ्कङ रहेका छन । प्रतियोगीताको जम्मा लागत एक करोड ९ लाख ५० हजार रहेको आयोजकले जनाएको छ ।
