धरान मेघा हिमालयन कलेजले जित्यो बास्केटबलको दुबै उपाधी

प्रदेश १ स्तरीय अल्फाबिटा अन्तर कलेज महिला पुरुष बास्केटबल प्रतियोगिताको महिला र पुरुष दुबै उपाधी धरान मेघा हिमालयन कलेजले जितेकोछ । धरान बास्केटवल संघको आयोजना तथा धरान उपमहानगरपालिकाको संयोजनमा भएको प्रतियोगिताको फाइनल खेलमा महिला तर्फ सियोन स्कुललाइ २९-११ र पुरुष तर्फ राष्ट्रिय जनसहयोग कलेज इटहरिलाइ ४२-३९ अंकले पराजित गर्दै धरान मेघाले उपाधी माथी कब्जा जमाएको हो । फाइनल खेलमा छात्रातर्फ सहज जीत निकालेका धरान मेघा र सियोन स्कुलले प्रत्येक क्वाटरमा ३–१, ६–४, ८–० र १२–६ अंक जोडेका थिए । पुरुषतर्फ अत्यन्त प्रतिस्पर्धात्मक भएको फाइनल खेलमा धरान मेघा हिमालयन र राष्ट्रिय जनसहयोगले १३–१२, १३–७, ७–१४ र ९–६ अंक जोडेका थिए । फाइनल खेलमा धरान मेघाका सितल तामाङले १० र धरान मेघाका युवाहाङ राइले १९ अंक जोडे । प्रतियोगिताको फाइनल खेल प्रमुख अतिथी मेयर हर्कराज साम्पाङ राईले बास्केटबल सट गरेर गरेका थिए । खेलपछी कार्यक्रममा बोल्दै मेयर साम्पाङले धरानलाई बास्केटबलले चिनाएको भन्दै धन्यवाद दिए ।

धरान मेघाले उपाधी सङ्गै पुरुष तर्फ नगद ३० हजार र महिला तर्फ २० हजार रुपैया नगद, ट्रफी, मेडल र प्रमाणपत्र प्राप्त गरेका छन । यसैगरी पुरुष तर्फका उपबिजेता राष्ट्रिय जनसहयोग कलेजले नगद २० हजार, महिला त्रफका उपबिजेता सियोन स्कुलले नगद १० हजार रुपया, ट्रफी, मेडल र प्रमाणपत्र प्राप्त गरे । उनीहरुलाई कार्यक्रमका सभाध्यक्ष सुनसरी बास्केटबल संघका अध्यक्ष नारायण सुवेदी , अल्फा बिटा कोयला एजुकेसनका अध्यक्ष लोकेन्द्र श्रेष्ठ , म्यानिजिङ डाइरेक्टर सन्जिब राई, बास्केटबल संघका कोषाध्यक्ष गौरब श्रेष्ठले पुरस्कार बितरण गरेका थिए । प्रतियोगिताको उत्कृष्ट खेलाडी उपाधि मोस्ट भ्यालुएबल पुरस्कारको उपाधी दिदीभाइले जितेका छन् । धरान मेघा कलेजको १२ कक्षामा अध्यनरत योगेश राई र ब्याचलर पहिलो वर्षमा अध्ययनरत तनु राइले उपाधी जितेका हुन् ।

सुनसरी बास्केटबल संघको प्राबिधिक सहयोग तथा अल्फा विटा कोयोला एजुकेशन कन्सलटेन्सीको मुख्य प्रायोजनमा धरान रंगशाला इन्डोर बास्केटबल कोर्टमा सम्पन्न प्रतियोगिताको समापन कार्यक्रममा धरान १८ वडाध्यक्षा प्रविन राई, १० न. वडाध्यक्ष विवेक राई, १६ न. वडाध्यक्ष मुरारी भट्टराई, धरान सरोकार समाज अध्यक्ष प्रभु श्रेष्ठ, धरान फुटबल क्लबका अध्यक्ष किशोर राई लगायतको उपस्थिति रहेको थियो । प्रतियोगिताको फाइनल खेल प्रमुख अतिथी मेयर हर्कराज साम्पाङ राइले बास्केटबल सट गरेर गरेको थियो । उनले एकै सटमा बास्केटबल रिङमा बास्केट गरे पछि फाइनल खेल प्राबिधिकहरुले सुरु गरेको थियो ।