सरकारले संसद् सचिवालयमा दर्ता गरेको विद्यालय शिक्षा विधेयकको विरोधमा आज दोस्रो दिन धरान भरीका शिक्षकहरूले धरान उपमहानगरपालिका अगाडी कालो ब्यानर सहित प्रदर्शन स्वरुप धर्ना दिएका छन । धरानभरीका शिक्षक शिक्षिकाहरु बिधालय बन्द गरेर स्थानिय सरकारलाई दवाव दिन नगरपालिका परिसरमा भेला भएका हुन । नेपाल शिक्षक महासङ्घको अगुवाइमा हिजोबाट असोज ३ गतेबाट आन्दोलनमा होमिएका शिक्षकहरुले नगर परिसरमा कोण सभा गरेका हुन । धरान उपमहानगरपालिकाका ५५ सामुदायिक विद्यालयका शिक्षक कर्मचारीले आज नगर परिसरमा धर्ना दिएका छन् ।नेपाल शिक्षक महासङ्घ राष्ट्रिय समितिद्वारा घोषित आन्दोलनअन्तर्गत उपमहानगर परिसरमा शिक्षक कर्मचारीले धर्ना दिएको आन्दोलन परिचालन समितिका सहसंयोजक रामबहादुर विष्टले बताए ।
निजामती कर्मचारीसरह सुविधा चाहिनुपर्ने, पञ्चायतको भन्दा पश्चगामी भन्दै अहिलेको शिक्षा विधेयकमा व्यापक संशोधन हुनुपर्नेसहितका माग राखिएको आन्दोलनमा सहभागी इन्द्रमोहन झाले जानकारी दिए ।शिक्षकहरु आन्दोलनमा उत्रिएसँगै सामुदायिक विद्यालयको पठनपाठन अस्तव्यस्त बनेको छ । आन्दोलनकै कारण आज सामुदायिक विद्यालयमा पठनपाठन प्रभावित भएको छ । विद्यार्थीहरु विद्यालय पुगेर फर्किएका छन् । संसदमा दर्ता भएको शिक्षा विधेयकमा महासंघले विभिन्न १८ बुँदे असहमति प्रकट गरेको छ । बुधवारबाट सुरु भएको काठमाडौँ केन्द्रित आन्दोलन माग पूरा नहुन्जेलसम्म चल्ने बताइएको छ । शिक्षकहरू आन्दोलनमा उत्रिएसँगै सामुदायिक विद्यालयको पठनपाठन अस्तव्यस्त बनेको छ ।
