‘अन्जिला’ लाई धरानमा भव्य स्वागत सम्मान, दिनैभरी सशस्त्रको स्कटिङ हल भिजिट

अहिले सफलताका साथ प्रदर्शनमा भैरहेको चलचित्र ‘अन्जिला’ कि मुख्य कलाकार तथा राष्ट्रिय महिला फुटबल टिमकी कप्तान गोल किपर अन्जिला तुम्बापो सुब्बालाई धरानमा भव्य स्वागत गरिएको छ । शुक्रवार बिहान ग्रिसबाट काठमाडौं आएकी अन्जिलाले दिनभर काठमाडौंको छाया सेन्टरस्थित क्युएफएक्स सिनेमाजमा दर्शकहरूसँग भेटघाट गरेर साँझ इटहरीको ईलाइट सिनेमा हलमा पुगेर दर्शकहरूसँग भेटघाटमा व्यासत भएकी थिइन । व्यस्त सेड्युएलबिच पुर्व आएको अन्जिला शनिवार बिहान विराटनगरको क्युएफएक्स सिनेमाजमा उपस्थित भई दर्शकहरूसँग संवाद गरेपछि दिउँसो धरानको फ्रेन्ड्स सिनेमाजमा पुगेकी थिइन ।

धरान प्रबेश गर्न साथ उनलाई धरान प्रबेशद्वार बाट धरान स्थित शशस्त्र प्रहरीले स्कटिङ गरेर फ्रेण्ड्स सिनेमाजमा पुर्याएको थियो । अन्जिला सिनेमा हल परिसर पुग्दै गर्दानै दर्शकहरु कुरेर बसेका थिए । शसस्त्रको स्कटिङ कडा सुरक्षाविच हल कम्पाउन्डमा पुगेकी अन्जिला, कलाकार सिर्जना सुब्बा, निर्देशक मिलन चाम्स, निर्माता प्रेम कुमार श्रेष्ठ,सह-निर्माता बिनोद अग्रवाल, चलचित्र निर्माता ज्योतीराज राई लगायत निर्माण टिमलाई स्थानिय लिम्बु संस्कृतीमा आधारित च्याब्रुङ नाचद्वारा स्वागत गरिएको थियो ।

आज भएको दुईओटै शो का दर्शकहरु सँग भेट्घाट गरेकी ‘अन्जिला’ र टिमले एन्फा एकेडेमी धरानमा पुगेर अन्फा एकेडेमीका बिधार्थीहरु सँग भलाकुसारी गर्‍यो भने साझ भने धरानमा जारी गोधुली कप फुटबल प्रतियोगीतामा पुगेको थियो । धरान रङ्गशालामा स्कटिङ र कडा सुरक्षा घेरामा प्रबेश गरेको टिमसहित अन्जिला ले प्याराफिट बसेकी दर्शकहरुलाई अभिवादन गर्दै मन्च सम्म पुग्दा अन्जिला अन्जिला अन्जिला भन्दै दर्शक दिर्घाबाट दर्शकहरु उठेर उनलाई सम्मान दिएका थिए ।

खेल क्षेत्रबाट छुट्टै नाम र पहिचान बनाएकी अन्जिलाले चलचित्र क्षेत्रमा पनि पहिलो डेव्यु चलचित्रबाट नै हिट लिस्टमा नाम लेखाएकिछिन । आफ्नै जीवन कहानीको बायोपिकमा अभिन्य गरेकी अन्जिलाको अभिनयको चर्चा सर्वत्र छ । उनले गरेको जीवन्त अभिनयले अहिले सिनेमा हलमा दर्शकहरुको रुवावासी छ चलचित्र सफलताका साथ प्रदर्शन भैरहेको छ । यो सफलता र दर्शकको माया देखेर नै ग्रीसबाट छोटो समयको लागी नेपाल आएकी अन्जिलाले धरान निकै सफा लाग्ने र धरान कला क्षेत्रको मात्र हैन खेल क्षेत्रको पनि उर्वर भुमी भएको बताइन । आफ्नै बायोपिकमा अभिनय गरेकी अन्जिलाले अबको दिनमा अरु सिनेमा भने नगर्ने बताइन् । आफु सिनेमाले हैन खेल क्षेत्रबाटनै चिनिन र आफ्नो नाम बनाउन चाहेको उनको भनाइ छ ।

चलचित्रका निर्देशक मिलन चाम्सले नेपाली सिनेमा धरानमा हिट भए देशभरीनै हिट हुने सुनाए । उनले आफ्नो प्राय सिनेमाहरुको प्रीमियर धरानमै गरेको सुनादै धरानेहरु निकै सहयोगी रहेको बताए । प्रीमियरमा आउँदा अन्जिला लिएर धरान आउने वाचा गरेकै कारण अन्जिला को व्यस्त समयको वावजुद पनि धरान लिएर आएको सुनाए । ञ्जिला’मा एन्जिलाको आमाको भूमिकामा सशक्त अभिनय गरेकी कलाकार सिर्जना सुब्बाले एन्जिलासँग आमा-छोरीजस्तै सम्बन्ध रहेको बताउँदै, दर्शकहरूसँग सँगै भेट्न पाउँदा खुसी व्यक्त गरिन् ।एन्जिला आइतबार पनि पूर्वी नेपालमै रहनेछिन्।

निर्देशक चाम्सका अनुसार, आइतबार दिउँसो १ बजेसम्म झापाको बिर्तामोड र २ बजेपछि दमकमा दर्शकहरूसँग भेटघाट गर्ने कार्यक्रम रहेको छ । पूर्वी नेपाल भ्रमणका क्रममा एन्जिलालाई सशस्त्र प्रहरी बलले सुरक्षा प्रदान गरेको छ ।हाल एन्जिला ग्रिसको शीर्ष डिभिजनको महिला फुटबल लिगमा निस एट्रोमिटौबाट खेलिरहेकी छिन् । यही खेलको लागि उनी केही महिनायता ग्रिसमा नै रहेकी थिइन् । दर्शकहरु सँग भेटघाट सकेर उनी पुनः ग्रिस फर्किनेछिन् ।