धरानमा हुने कोकाह खानेपानी सहयोगार्थ साँगितिक कार्यक्रममा चर्चित कलाकारहरु आउँदै

धरान २० को कोकाहा खोलाबाट पानी ल्याएर धरानका जनतालाई खुवाउने उद्देश्यले  सुरु भएको कोकाह खानेपानी सहयोगार्थ साङगितिक कार्यक्रमको दोस्रो भाग यही चैत्र २९ गते हुने भएको छ । समाजसेवी तथा गीतकार मिना सिङगकको संयोजकत्वमा हुँदै आएको कार्यक्रमको निरन्तरता दिदै पुन आयोजना गर्न लागिएको आज पत्रकार सम्मेलन गरी जानकारी गराइयो । गत पहिलो भागमा जस्तै यो बर्ष पनि नेपालका चर्चित गायक गायिका, नायक नायिकाले प्रस्तुती दिने कार्यक्रम संयोजक सिङगकले जानकारी गराइन । पहिलो भाग २०७९ चैत्र २५ गते आयोजना भएको थियो ।

कार्यक्रममा चर्चित गायक प्रकाश सपुत, नायिका स्वस्तिमा खडका, धीरज राई, पदम राई ,सुनित थेगिम,प्रदेश लिम्बु, केहर एण्ड ज्योय , मेयर हर्क साम्पाङ , अन्नु चौधरी, द आउट साइडर ब्याण्ड र फुलन्देको आमा उमेश राईले प्रस्तुती दिने पत्रकार सम्मेलनमा जानकारी गराइयो । यस बर्षको कन्सर्ट चैत्र २९ गते , धरान १२ स्थित पब्लिक हाइस्कुलको मैदानमा हुने आयोजकले जानकारी दिएको छ । मेयर हर्क साम्पाङ नेतृत्वमा श्रमदान अभियानमार्फत कोकाहको पानी ल्याउने अभियानको लागी आयोजना गरिदै आएको कन्सर्टको व्यवस्थापन सिल्भर इन्टरटेन्मेन्ट धरानले गरेको छ ।

धरान कला र कलाकारहरुको सहर भएकोले यहाँ धेरै कन्सर्टहरु भइरहे पनि यो कन्सर्ट भने अन्य कन्सर्टहरुभन्दा धेरै फरक भएको आयोजकको दावी छ । ‘यो कन्सर्ट खानेपानीलाई समर्पित गरेर हुन लागेको आयोजकको दावी छ । टिकट दर साधारण रु ५००,फ्यानपिट रु ७०० , प्रिमियम रु १०००, भिआइपी रु ३००० र डोनेशन रु ७५०० रहेको छ । कन्सर्ट को लागी बिशेष सहयोगी हरुमा स्वतन्त्र नागरिक समाज धरान, सचेत धराने समुह, स्वतन्त्र दिदी बहिनी धरान र गोर्खा चौतारी रहेको छ ।