‘धरान एक्स्पो–२०८१’ को आज अन्तिम दिन, समापनमा मुख्यमन्त्री कार्की आउने

बिगत ३ बर्षदेखी धरानमा आयोजना हुँदै आएको धरान एक्स्पो तेस्रो धरान एक्स्पो -२०८१ को आज अन्तिम दिन रहेको छ । पौष २५ गतेदेखी माघ ५ गतेसम्मको लागी एक्स्पोको समय तोकिएपनी स्थानीयहरुले एक्स्पो को समयवधी बढाउन अनुरोध गरेपछी आयोजक सुनसरी उधोग वाणिज्य संघले तीन दिन थपेर माघ ९ गतेसम्मको लागी तोकेको थियो । थप गरिएको समयको अन्तिम दिन आज पौष ८ गते समापनको प्रमुख अतिथी कोशी प्रदेशका मुख्यमन्त्री हिक्मत कुमार कार्की आउने आयोजक सुनसरी उधोग वाणिज्य संघले जनाएको छ । धरान एक्सपो–२०८१ अन्तर्गत आयोजित कृषि र पर्यटनसम्बन्धी दुई महत्त्वपूर्ण गोष्ठीहरू सफलतापूर्वक सम्पन्न भएका छन्। यी गोष्ठीहरूले स्थानीय उत्पादनलाई व्यवसायिक बनाउन, पर्यटन प्रवर्द्धनमा नयाँ दृष्टिकोण ल्याउन, र नवीनतम प्रविधिहरूको प्रयोगबारे जानकारी दिन महत्त्वपूर्ण भूमिका खेलेका छन्।

आज अन्तिम दिन, माघ ८ गते सबैभन्दा प्रतीक्षित ब्याण्ड कुमा सागरको प्रस्तुति हुनेछ।धरान एक्सपोले व्यापार, मनोरञ्जन र सांस्कृतिक प्रस्तुतिहरूको माध्यमबाट स्थानीय उत्पादनको प्रवर्द्धन गर्दै दर्शक र ग्राहकहरूको मन जित्न सफल भएको छ। आयोजकका अनुसार, यो निर्णयले व्यवसायीलाई थप व्यापारिक सम्भावना दिनुका साथै दर्शकहरूलाई अझ मनोरञ्जनात्मक अनुभव प्रदान गर्नेछ। बिगत ३ बर्षदेखी आयोजना गर्दै आएको एक्स्पो ह्याङगर भित्र आयोजना गर्दै आएको छ ।

यस पटकको एक्स्पोमा पनि डोम हेंगरमा निर्मित करिब १४५ स्टलहरु रहने आयोजकले जानकारी दिएको छ। आयोजकका अनुसार डोम भित्र संवेदनशील वस्तुहरूको करिब १०० वटा स्टलहरु अर बाहिर थप अन्य स्टलहरू रहेका छन ।अतिथि प्रदेश १ का आन्तरिक मामिला तथा कानून मन्त्री रेवती रमण भण्डारी रहनेछन्। साथै, प्रदेशका अन्य विशिष्ट व्यक्तित्वहरू, स्थानीय जनप्रतिनिधिहरू, व्यवसायी, सुरक्षाकर्मी, र समाजका विभिन्न क्षेत्रका अगुवाहरूको उपस्थिति रहनेछ।आयोजकका अनुसार, यसपटकको एक्स्पोले १० करोड रुपैयाँभन्दा बढीको कारोबार गरेको अनुमान गरिएको छ। एक्स्पोले व्यापारिक गतिविधिसँगै स्थानीय उत्पादन र संस्कृति प्रवर्द्धनमा पनि महत्वपूर्ण भूमिका खेलेको छ।