कोशी प्रदेशममै पहिलोपटक धरानमा दुइदिने बियर महोत्सव हुने

नेपाल मदिरा व्यवसायी महासंघ कोशी प्रदेश, धरान मदिरा व्यवसायी संघ र धरान मदिरा वितरक संघको संयुक्त आयोजना कोशी प्रदेशमै पहिलो पटक बियर महोत्सव हुने भएको छ । असोज १८ र १९ गते धरान–१५ स्थित होटेल ईजी राइडरमा आयोजना हुने महोत्सको संयोजन सुनसरी उद्योग वाणिज्य संघले गर्ने बिहीवार आयोजित पत्रकार सम्मेलनमा जानकारी गराइयो । खुलम खुल्ला रुपमा प्रचार प्रसार गर्न समेत सरकारले बन्देज गरेको बियरको महोत्सव किन हुँदै छ भनी जिज्ञासामा,अल्कोहलको मात्रा रक्सी र वाइनमा भन्दा कम भएकोले बियर ठिक मात्रामा पिउँदा रक्सी, वाइन जस्तो नभएको बुझाउन दुई दिने बियर महोत्सव आयोजना गर्न लागिएको आयोजकले जनाएको छ । महोत्सव धरान–१५ स्थित होटल ईजी राइडरमा आयोजना गरिने आयोजकले जनाएको छ ।

लगभग १ लाख सङ्ख्यामा उपभोक्ताहरू व्यवसायीहरू सहभागीताको अपेक्षा गरिएको महोत्सवमा नेपालमा उत्पादित ७ वटा बियर कम्पनीको स्टल हुने महोत्सवमा विभिन्न सांस्कृतिक कार्यक्रम समेत हुने संयोजक नवीन तामाङले जानकारी दिए । तामाङका अनुसार भिन्न स्वाद भिन्न कम्पनीहरूका फरक फरक ब्रान्डका अल्कोहलको मात्रा फरक फरक भएका बियरहरू एकै स्थानमा बियर पारखीहरूको लागि प्रदर्शन, अवलोकन र टेष्टिङको व्यवस्था गरिने भएको छ । स्टलमा सिजी ब्रुअरी, टाइगर ब्रुअरी, राज ब्रुअरी, गोर्खा ब्रुअरी, यति ब्रुअरी, याक ब्रईङ, हिमालयन ब्रुअरी कम्पनीहरूबाट उत्पादित बियरहरु रहने आयोजकले जनाएको छ । ‘काठमाडौँपछि धरान दोस्रो बियर पारखीहरू भएको स्थान भएकाले प्रदेश स्तरीय महोत्सव गर्न लागिएको तामाङको दावी छ ।

नेपाल सरकारको मदिरा ऐन २०३१, मूल्य अभिवृद्धि ऐन २०५२, अन्तःशुल्क तथा आयकर ऐन २०५८ को परिधिभित्र रही महोत्सव गरिने सुनसरी उद्योग वाणिज्य सङ्घका अध्यक्ष विजय श्रेष्ठले बताए । ‘चाडपर्वहरूलाई मध्यनजर गर्दै उपभोक्ताहरूलाई पनि सहजता प्रदान गर्ने मनसायले बियर उत्सवप्रति सङ्घले सकारात्मक दृष्टिकोण राखेको श्रेष्ठको भनाइ छ । बियर महोत्सव मदिरा मात्र नभई सहि समय अनी लिमिटमा गरिएको सेवनले स्वास्थ्यको लागि फायदाजनक हुने जानकारी पनि दिने तयारी रहेको छ । बियर कुन विधिबाट बन्छ र कति प्रकारका बियरहरू हुन्छ भन्ने बारे जानकारी गराइने उद्देश्यले पनि महोत्सवको रहेको आयोजकले जनाएको छ ।