फुलबारी एकता समाजको दोस्रो रक्तदान कार्यक्रममा १०२ पिन्ट रगत संकलन

फुलबारी एकता समाज धरान -५ तल्लो देउरालीले आयोजना गरेको दोस्रो रक्तदान कार्यक्रममा १०२ पिन्ट रगत संकलन भएकोछ । धरान – ५ तल्लो देउराली चौकमा सम्पन्न रक्तदान कार्यक्रममा उपस्थित करिब ३०० जनाले ब्लड प्रेसर जचाएका मध्ये १०२ जना रक्तदान गर्न योग्य भएर रक्तदान गरेको समाजका अध्यक्ष कविचन्द्र याखाले जानकारी दिए । गत बर्ष जुन १४ का दिन विश्वभरका देशले मनाउने विश्व रक्तदाता दिवसको अवसरमा फुलबारी एकता समाजले पहिलोपटक रक्त्त्दान कार्यक्रम आयोजना गरेको थियो, सो बर्ष १०१ पिन्ट रगत संकलन भएकोथियो । रक्त्तदान कार्यक्रम फुलबारी एकता समाजको आयोजना र नेपाल रेडक्रस सोसाइटीको प्राविधिक सहयोगमा सम्पन्न भएको अध्यक्ष याखाले जानकारी दिए ।

समाजका अध्यक्ष याखाको सभापतित्व , धरान उपमहानगरपालिकाका उप प्रमुख अईन्द्र बिक्रम बेघाको प्रमुख आतिथ्यतामा सम्पन्न रक्तदान कार्यक्रमका बिशेष अतिथी ईलाका प्रहरी कार्यालय धरानका डिएस पी प्रकाश जबेगु थिए । कार्यक्रमका प्रमुख अतिथी उप प्रमुख अईन्द्र बिक्रम बेघाले फुलबारी एकता समाजको यो सामाजिक कार्यले अन्य वडा र समाजलाई उदाहरणीय बनेको बताए । रगत अभावका कारण कोही कसै मर्न नपरोस भनी सुरुवात गरिएको रक्त्तदान कार्यक्रमको दोस्रो पटक पनि आउन पाउदा आफुलाई खुशी लागेको बताए । रक्तदान कार्यक्रम दोस्रो तेस्रो हुँदै निरन्तर चलोस भनी शुभकामना दिए । उनले समाजमा एकताबन्द भएर यस्तो सामाजिक कार्य गर्ने समाजले नगरले र आफुले पनि आवश्यक सहयोग गर्ने प्रतिवद्दत्ता व्यक्त्त गरे ।

कार्यक्रमका बिशेष अतिथी डिएसपी प्रकाश जबेगुले आफु धरानका सम्पूर्ण नागरिक समाज र संघ संस्था संघ हातेमालो गरेर यहाँको शान्ती सुरक्षामा कायम गर्न सदैव तयार रहेको बताए । वडा नम्बर ५ को सुरक्षाको लागी, सामाजिक कार्यहरुमा पनि यसरीनै एक भएर अगाडी बढ्ने प्रतिबद्दत्ता जनाए । कार्यक्रमका सभापती तथा अध्यक्ष कबिचन्द्र याखाले समाजका हरेक जनताहरुलाई आबश्यक पर्ने हरेक सहयोग गर्न फुलबारी एकता समाज तत्पर रहेको र कसैलाई रगतको आबश्यकता भए आफुहरु सधैं तयार रहेको बताए । समाजले एक्लै केही गर्न नसक्ने भएकाले यहाँहरुसँगको हातेमाली र सहयोग निरन्तर रहोस् भन्ने आफुले चाहेको याखाले बताए ।