धरानमा पहिलो पटक तीनदिने महिला उधमी प्रदर्शनी मेला आयोजना हुने

धरानमा पहिलो पहिलो पटक महिला उधमी प्रदर्शनी मेला आयोजना हुने भएको छ । मङगलबार सुनसरी उद्योग वाणिज्य संघले पत्रकार सम्मेलन गरी मेला बारे जानकारी दिएको छ । प्रदर्शनी मेला यही भदौ १३ गतेदेखि १५ गते सम्म चल्ने आयोजक सुनसरी उद्योग वाणिज्य सङ्घले जनाएको छ । संघका अध्यक्ष विजय श्रेष्ठका अनुसार संघको ६१ औं वार्षिकोत्सवको अवसरमा प्रथम पटक आयोजना गर्न लागिएको हो । प्रदर्शनी मेलामा महिला उद्यमीहरूद्वारा सुनसरी क्षेत्रमा उत्पादित बस्तुहरूको प्रवद्र्धन र उत्पादित वस्तुको प्रचार प्रसार लागि प्र्रदर्शनी गरिने आयोजकले जनाएको छ । । प्रदर्शनी उद्योग वाणिज्य संघको परिसरमा हुनेछ । प्रदर्शनीको उद्देश्य सुनसरीम उत्पादित वस्तुहरूको प्रदर्शन, प्रचार प्रसार र विक्री वितरण गरेर उद्यमी महिला दिदी वहिनीहरू लाई प्रोत्साहन गर्ने रहेको प्रर्दशन संयोजक वर्षा अग्रवाल श्रेष्ठले जानकारी दिइन । आर्थिक कारणले व्यवसाय सञ्चालन गर्न नसक्ने उद्यमीका लागि बैङ्किङ ऋणका लागि बैङ्कहरुसंग सहकार्य गर्ने प्रदर्शनीको उद्धेश्य रहेको श्रेष्ठको भनाई छ ।

प्रदर्शनी मेलालाई धरान उपमहानगरपालिका, घरेलु तथा साना उद्योग कार्यालय, हिमालय बैङ्क एक्सल डेभलभमेन्ट बैङ्क, जोल्ली आइसक्रीम, ब्रान्डेड कस्मेटिक होलसेल पसल र बिजयपुर हस्पिटल धरानको सहयोग रहेको आयोजकले जनाएको छ । प्रर्दशनीमा घरेलु, गरगहना, सौन्दर्य केयर श्रीगांर, कृषिजन्य बस्तु, खाद्यन्न तथा अन्य विभिन्न प्रकारका ४५ वटा स्टलहरु राखिने छ । विभिन्न प्रकारका खाजाका परिकारहरु पनि रहनेछ । घरेलु उत्पादनको वस्तको स्टलका लागि १ हजार ५ सय रुपैयाँ र खाद्यान्का लागि २ हजार ५ सय रुपैयाँ शुल्क रहेको संयोजक श्रेष्ठले बताइन् । उनका अनुसार प्रदर्शनीमा स्वास्थ्य सेवा तथा आंखा शिविर विजयपुर हस्पीटलले गर्नेछ । २ लाख रुपैयाँ लाग्ने प्रदर्शनीमा १० हजार जनाले अवलोकन गर्नेछन् भने करिव १५ लाख रुपैयाँ कारोबार हुने अपेक्षा आयोजकको छ ।