पोखरा स्कुल बस दुर्घटनामा आमा र छोराको मृत्यु, २७ जनाको उपचार हुँदै

सोमबार बिहान पोखरामा एलपी देवकोटा मेमोरियल इङ्लिस स्कुलको बस दुर्घटनामापरी बिधालयकी कार्यालय सहयोगी ३३ वर्षीया आरती विक र उनका अन्दाजी ५ वर्षीय छोरा प्रिन्स विकको निधन भएको छ । दुर्घटनामा २७ विद्यार्थी घाइते भएका छन् । पोखरा महानगरपालिका–२१ फुस्रेखाेलाको घुम्तीमा रामदीबाट बिरौटा फर्कने क्रममा बस दुर्घटना भएको हो ।ग१क ६३१९ नम्बरको बस सडकबाट झन्डै ६० मिटर तल खसेको छ । बसमा चालक, सहचालक र २४ विद्यार्थीसहित २७ जना सवार थिए । चालकले नियन्त्रण गुमाई सडकबाट अन्दाजी ५० मिटर तल खसेको प्रहरीको भनाइ छ ।