आज बिहान धरान स्थित वीपी कोइराला स्वास्थ्य विज्ञान प्रतिष्ठानको अगाडी डस्विनमा फेला परेको मृत नवजात शिशुको बुवा प्रहरीको संपर्कमा आएका छन । आज बिहान करिव ६ बजे तिर सरसफाइकर्मीले हातमा प्रतिष्ठानको ट्याग भएको मृत नवजात शिशुको शव फेला पारेपाछी प्रहरीलाई खबर गरेका थिए । गाइनो वार्डमा सोधपुछ गर्दा शवको बारेमा पहिचान खुलेको थियो । सप्तरीका योगेन्द्रकुमार रामलाई प्रहरीले गाइनो वार्डबाट ल्याएर शव देखाउदा आफ्नै मृत छोरी हो भनेर स्वीकारेका थिए । आफुले पाच छ महिनादेखी आफ्नो श्रीमतीको उपचार गराइरहेको र हिजो राती गाह्रो भएपछी धरान ल्याएर उपचार गराउदा ५ महिनाको शिशु पेट भित्रनै मृत्यु भएकोले अपरेशन गरेर निकालेको योगेन्द्रले बताए ।
शव हिजो साँझ जंगलमा लगेर गाड्ने भन्दै २ जना व्यक्ति आएकोले ४ सय रुपैया दिएर जिम्मा लगाएको पनि खुलाएका थिए । ‘मैले यहाँ ल्याएर फालेको होइन, म र श्रीमती मात्रै थियौं । त्यसैले २ जना व्यक्ति आएर जंगलमा लागेर गाडिदिन्छौं भन्यो, ४ सय रुपैया दिएर जिम्मा लगाएको थिएँ,’उनले भने । मृतकका बुबालाई निवेदन दिन लगाएर प्रतिष्ठानबाट शिशुको मृत्यु भएको प्रमाणपत्र ल्याएपछि अन्त्येष्टीको लागि जिम्मा लगाउने ईलाका प्रहरी कार्यालय धरानले जानकारी दिएको छ ।
सुनसरीको धरान १५ बाट बिपी फोर इन्टरटेन्मेन्ट प्रा.लि.द्वारा सञ्चालित यस हंगामा खबर ले बिशेषगरी चलचित्र,मनोरंजन, स्थानिय समसामयिक बिषयका खोजमुलक समाचार र अन्तरवार्ता प्राथमिकता दिनेछ ।