शिक्षा निकेतन मावि धरानमा सिभिल इन्जिनियरिङ पढाई हुने

शिक्षा निकेतन माध्यमिक विद्यालय धरानले पत्रकार सम्मेलन गरेर सिभिल इन्जिनियरिङ पढ्न चाहने विद्यार्थीहरुकोलागि भर्ना आवेदनको माग गर्न लागेको बताएको छ । आप्mनो विधालयमा सिभिल इन्जिनियरिङ विषय पढाइ भइरहे पनि धरानभित्रकै विद्यार्थीहरुको उपस्थिति कम भएकोले अभिभावकसम्म प्राविधिक विषय धरानमा छ भन्ने बुझाउन पत्रकार भेटघाट गरिएको प्रधानाध्यापक उमेश गुरागाँईले बताए । पत्रकारसङ्गको भेटघाटमा प्रधानाध्यापक उमेश गुरागाँईले न्युनतम खर्चमा सिभिल इन्जिनियरिङ विषय पढाउँदै आएको र उत्पादित विद्यार्थीहरुले रोजगार भएको पनि बताए । प्रधानाध्यापक गुरागाँईकाअनुसार सिभिल इन्जिनियरिङ विषयमा रुची भएकाहरुकोलागि कक्षा –९ देखि १२ सम्म पठनपाठनको व्यवस्था भएको र प्रत्येक कक्षामा ४८ जना विद्यार्थीको कोटा रहेको छ ।

पत्रकार भेटघाटमा वडाध्यक्ष रमेश राईले आप्mनो वडामा रहेको विद्यालयले २०७० सालदेखि सिभिल इन्जिनियरिङ विषयको बारेमा अभिभावक अनविज्ञ रहेको बताए । वडाध्यक्ष राईले भने ‘हामीले विद्यार्थीहरुलाई नयुनतम खर्चमा छात्रवृतिसहित सिभिल इन्जिनियरिङ पढाइरहेका छौ । तर, धरानभित्रकै विद्यार्थीलाई आकर्षित गर्न सकिरहेका छैनौं ।’कार्यक्रममा प्रदेश सभा सदस्य यसोदा काँयस्थले विद्यालय दिने शिक्षाको बारेमा अभिभावकसम्म पुग्ने गरि प्रचार आवश्यक रहेको र आपूm पनि विद्यालयलाई सहयोग गर्न उत्साहित रहेको बताए । वि.सं. २०१० सालमा स्थापना भएको सो विद्यालय प्राविधिक विषयमा सिभिल इन्जिनियरिङ पढाउने सुनसरीको पहिलो प्राविधिक विद्यालय हो ।