अग्रज पत्रकार सुब्बा र विश्वकर्मा सम्मानित

धरानका अग्रज पत्रकार हर्ष सुब्बा अहिलेका सकृय पत्रकार खिलानाथ विश्वकर्मा सुनसरी उद्योग वाणिज्य संघले प्रदान गर्दै आएको पर्यटन र आर्थिक पत्रकारिता पुरस्कार बाट पुरस्कृत भएका छन । सोमबार सुनसरी उधोग बाणिज्य संघको ४० औ वार्षिक साधारण सभाको अवसरमा संघले सुब्बा र विश्वकर्मालाई सम्मान गरेको हो । संघकै सभाहलमा सम्पन्न कार्यक्रममा कार्यक्रमका बिशेष अतिथी कोशी प्रदेश सभा सदस्य रमेश बस्नेत, बिजय राई, यसोदा कायस्थ, ममता तमाङ, संघका अध्यक्ष बिजय श्रेष्ठ लगायतको उपस्थितीमा सम्मान गरिएको हो ।

२०२९ सालबाट अहिले सम्म सकृय कान्तिपुर हुँदै हाल धरानबाट संचालन भएको कपुरी न्युजका सम्पादक सुब्बा र धरानबाट प्रकाशित ब्लास्ट टाइम्स दैनिकका सम्वादाता विश्वकर्मालाई जनही रु ११ हजार , सम्मान पत्र र दोशल्ला ओढाएर सम्मान गरिएको हो । बिगत लामो समय देखी धरानको आर्थिक र पर्यटन क्षेत्रमा कलम चलाऊदै आएका सुब्बा हाल सम्मपनी धरानको पर्यटन र आर्थिक क्षेत्रमा सकृय भएर लागेको योगदानको कदर गर्न पाउदा खुशी लागेको आयोजकले जनाएको छ । बिश्वकर्मा पछील्लो ५ बर्षदेखी ब्लास्ट टाइम्स दैनिकमा सकृय पत्रकारिता गरिरहेकाछन । विश्वकर्माले खोजपत्रकारिताको माध्यमद्वारा धरानको पर्यटन र आर्थिक बिकासमा लागिरहेका ले निरन्तरताको लागी प्रोत्साहन पुरस्कार प्रदान गरिएको हो । पत्रकारद्वय संगै दुइजना व्यवसायीहरु पनि सम्मानित भएका छन । सम्मानित हुनेहरुमा व्यवसायी सुनिल श्रेष्ठ र अनिल अग्रवाल छन ।

सुनसरी उधोग बाणिज्य संघले आफ्नो ४० औ वार्षिक साधारण सभामा एक बर्षको वार्षिक प्रतिवेदन पेश गरेकोछ । संघका महासचिव महेन्द्र प्रधानले गत बर्ष २०७९ पौष ३० गते देखी हाल २०८० पौष २२ गते सम्मको सम्पूर्ण गतिविधीहरु प्रस्तुत गरे । सुनसरी उधोग वाणिज्य संघले साथानिय उधोगी व्यवसायीहरुको हकहित एवम स्थानीय सामाजिक आर्थिक बिकासमा खेलेको भूमिका स्वरुप एक बर्षभरी २३ वटा बिभिन्न कार्यक्रमहरु आयोजना गरेको महासचीव प्रधानले प्रस्तुत गरेको प्रतिवेदनमा उल्लेख छ । संघले बधाई तथा शुभकामना, धरान एक्स्पो २०७९,स्वागत तथा अन्तर्कृया कार्यक्रम, पर्यटन सम्भावना र चुनौती बिषयक कार्यशाला गोस्ठी, नेपाल उधोग वाणिज्य महासंघको उम्मेदवारी सम्बन्धी छलफल, धरान उपमहानगरपालिकाका जनप्रतिनिधिहरु विचमा भएको असमझदारी बिषयमा निकासका लागी छलफल अन्तर्कृया कार्यक्रम,स्वागत तथा भेटघाट , कर तथा राजश्व सम्बन्धी अन्तर्कृया कार्यक्रम,वीपी कोइराला स्वास्थ्य बिज्ञान प्रतिष्ठानलाई ऐन अन्तर्गत संचालन गर्न लगिएको बिषयमा बिरोध कार्यक्रम,रक्त्तदान कार्यक्रम, स्वास्थ्य शिविर कार्यक्रम,अपाङ्गता भएका व्यक्तीहरुलाई रोजगारीको सम्भावना बिषयक अन्तर्कृया नेपाल चीन व्यापार तथा पारवहन सम्बन्धी कार्यक्रम, धरान बजारमा फुटपाथ उचित व्यवस्थापना सम्बन्धी छलफल, जिल्ला ट्राफिक प्रहरी कार्यालय सुनसरीको जग्गा प्राप्ती बिषयमा छलफल लगायत कार्यक्रमहरु आयोजना गरिएको थियो ।

कार्यक्रममा राजनीतिक दलहरुको तर्फबाट नेपाली काङग्रेस धरान नगर सभापती श्याम पोखरेलले शुभकामना मन्तव्य राखेका थिए । उनले स्थानीय व्यवसायीहरुको कार्यक्रममा नगरको अभिभावक प्रमुख र उप प्रमुखको नै उपस्थित नहुनु आश्चार्य भएको बताए । पोखरेलले स्थानिय सरकारले , व्यवसायी को कुनैपनि वास्ता, सम्बोधन नगरेको आरोप लगाए । उनले धरानका मेयर साम्पाङलाई इङगित गर्दै, बिश्वमा संविधान संसोधन हुन्छ तर हाम्रो मेयरको बोली संसोधन नहुने बताए । अन्य छिमेकी नगरका प्रमुख उप प्रमुखहरुले व्यवसायीहरुको सम्बोधन गरिराको छन तर धरानको मेयरलाई कुनै वास्ता नभएको पोखरेलको भनाइ थियो । धरानमा बाहिर बाट व्यवसायीहरु आउन पनि डराउन थालेकाले स्थानीय सरकारले अभिभावकत्व लिन पर्नेमा जोड दिए । कार्यक्रमका बिशेष अतिथी कोशी प्रदेश सभा सदस्य रमेश बस्नेतले धरानको स्थानीय सरकारको गतिविधी देखेर आफु हरु चिन्तीत भएको बताए । उनले धरानमा काम भन्दा हल्ला ज्यादा भएको भन्दै पहाड त खनियो परिणाम मुसा भएको उदाहरण दिए । उनले पछील्लो समय सरकारले उधोग हरु को बिजुली काटेको प्रती, उधोगीहरु अन्यायमा परेको दावी गरे । आफुहरु सबै खाले व्यवसायीहरुको समस्या प्रती सधैं जानकार रहेको बताए । धरानको सबैभन्दा ठुलो समस्या खानेपानी भएकै कारण प्रदेश सरकारले धरानको खानेपानी समस्या समाधानको लागी प्राथमिकताको साथ बजेट छुट्याएको बताए ।