धरान उत्सव – २०८० को प्रमुख अतिथी स्थानीय जेष्ठ नागरिक हुने

धरान उपमहानगरपालिकाको १२३ औ स्थापना दिवसको अवसरमा यही पौष २० गते देखी २४ गतेसम्म हुन लागिरहेको ‘धरान उत्सव -२०८०’ प्रमुख अतिथी उत्सवमा आएका एकजना बयो वृद्ध जेष्ठ नागरिकलाई बनाइने भएको छ । धरान उपमहानगरपालिका का प्रमुख हर्क राज राई (हर्क साम्पाङ) ले उत्सव तयारीको बारेमा जानकारी दिन आयोजना गरेको पत्रकार सम्मेलनमा साम्पाङले सो कुरा बताएका हुन । पछील्लो समय धरान उत्सवका प्रमुख अतिथी सँग जोडीएको प्रधानमन्त्रीको फोटो हटाएको कुराले चर्चा पाइरहेको बेला उत्सवको उदघाटन समारोहको प्रमुख अतिथी सम्बन्धी संचारकर्मीको जिज्ञासामा मेयर साम्पाङले सुरुमा प्रमुख अतिथी आँफै हो, हामी सबै प्रमुख भएको भन्दै मजाक गरेका थिए । स्थापना दिवस भएको हिसाबले उत्सबमा आएका एकजना बयो वृद्ध जेष्ठ नागरिकलाई मंचमा चढाएर उहाकै हातबाट केक काटेर उदघाटन गर्ने बताए । उनले यस पटकको धरान उत्सवको सम्पूर्ण तयारी सकिएको समेत जानकारी दिए । यस बर्षको उत्सव धेरै खर्चिलो नहुने किसिमले तयारी गरेको उनको भनाइ छ । उत्सवमा मेयर र उपमेयरको कोषबाट खर्च गरिने साम्पाङले बताए ।

धरान उत्सव धरान नगर स्थापना भएकाले यो सबै धरानेको उत्सव भएको उनको दावी छ । साम्पाङले यस बर्षपनी बिबिध कार्यक्रमहरुको तयारी रहेको बताए । उत्सवको उदघाटनको दिनमा धरान उपमहानगरपालिका सँग भागीनी सम्बन्ध गासेका नगर प्रमुखहरुको उपस्थिती रहनेछ । बिगतका बर्षहरुमा ३ दिन मात्र मनाइने उत्सव यो बर्ष ५ दिन मनाइने तयारी भएको छ । उत्सवमा बिशेषगरी धरानलाई चिनाउने खाना, जातिय परिकार, यहाँको स्थानीय उत्पादन लगायत मुख्य आकर्षणका बिन्दु हुनेछन । यस बर्ष बिशेषगरी स्वास्थ्य क्षेत्रलाई ध्यान दिएर पाचै दिन स्वास्थ्य शिविर, एम्बुलेन्स सेवा उपलब्ध हुनेछ । उत्सवमा सरसफाइ अभियान, जातीय र्याली,सहकारी क्रियाकलाप,सम्मान कार्यक्रम साइकिलिङ,साहित्यिक,सम्मान कार्यक्रम,वाकाथुन,विद्यालय खेलकुद   प्रतियोगिताहरु,लोकदोहोरी, श्रमदाता र्याली,झाँकि प्रदर्शनी कार्यक्रम, लगानी गोष्ठी सञ्‍चालन,रस्सी तान प्रतियोगिता,कदरपत्र तथा प्रशंसा कार्यक्रम हुने भएको छ । उत्सवमा करिब ७६ वटा स्टलहरु रहने छन ।