मेयर साम्पाङले फोटो हटाएको प्रती उप मेयरद्वारा क्षमायाचना

धरान उपमहानगरपालिकाका प्रमुख मेयर हर्क राज राई ( हर्क साम्पाङ) ले बुधवार राती सामाजिक संजाल फेसबुक मार्फत आफ्नो कार्यकक्षमा नेपालका राष्ट्रपती र प्रधानमन्त्रीको तस्बिर हटाएर यलम्बरको तस्विर राख्ने घोषणा गरेका थिए । सोही अनुरप उनले बिहीवार राष्ट्रपती रामचन्द्र पौडेल र प्रधानमन्त्री पुष्पकमल दाहाल प्रचण्डको तस्विर हटाएर किराती राजा यलम्बरको तस्विर कार्यलयको मुख्य प्रबेशद्वारा को दाहिने भित्ता र आफ्नो कार्यकक्षमा राखेका छन । बिहीवार राष्ट्रको सम्मानित व्यक्तीहरुको फोटो हटाएपछी उप प्रमुख अईन्द्र बिक्रम बेघाले शुक्रबार एक विज्ञप्ती जारी गर्दै फोटो हटाएकोमा दु:ख व्यक्त्त गर्दै सम्माननीय माथि पर्न गएको असर प्रति दुःख व्यक्त गर्दै क्षमा समेत मागेकाछन । उनले नेपालको संविधान-२०७२ को मर्म र भावना अनुसार संविधानले प्रदान गरेको सिमा र घेरा भित्र रहि तिनै तहको सरकारको भूमिकालाई प्रभावकारी बनाउन, एक अर्काको परिपूरक बनाउन तहगत सम्बन्ध र जिम्मेबारी सम्मानीत र मर्यादित बनाउन हामी सबैको दायित्व र जिम्मेवारी भएको विज्ञप्तीमार्फत उल्लेख गरेकाछन । संघीय लोकतान्त्रिक गणतन्त्रात्मक व्यवस्थाको रक्षा गर्ने साथै यस व्यवस्थाको सबै मूल्य र मान्यतालाई विधि सम्मत ढंगले आत्मसाथ गर्दै कार्यान्वयन गर्ने दायित्व र जिम्मेबारी जनप्रतिनिधीको भएको उल्लेख गरेकाछन ।
बेघाले जारी गरेको विज्ञप्तीको पूर्णसार यस्तो रहेकोछ ।

आदरणीय धरानबासी आमाबुवा, दाजुभाइ तथा दिदीबहिनीहरुमा हार्दिक नमस्कार !
धरान उपमहानगरपालिकाका नगर प्रमुख ज्यूले आफ्नो कार्यकक्षबाट राष्ट्र प्रमुख सम्माननीय राष्ट्रपति र प्रधानमन्त्री ज्यूको फोटोहरु हटाएको बिषयले दुःखी बनाएको छ, जसबाट सम्माननीय माथि पर्न गएको असर प्रति दुःख व्यक्त गर्दै क्षमा समेत माग्दछु । नेपालको संविधान-२०७२ को मर्म र भावना अनुसार संविधानले प्रदान गरेको सिमा र घेरा भित्रि रहि तिनै तहको सरकारको भूमिकालाई प्रभावकारी बनाउन, एक अर्काको परिपूरक बनाउन तहगत सम्बन्ध र जिम्मेबारी सम्मानित र मर्यादित बनाउन हामी सबैको दायित्व र जिम्मेवारी हो। संघीय लोकतान्त्रिक गणतन्त्रात्मक व्यवस्थाको रक्षा गर्ने साथै यस व्यवस्थाको सबै मूल्य र मान्यतालाई विधि सम्मत ढंगले आत्मसाथ गर्दै कार्यान्वयन गर्ने दायित्व र जिम्मेबारी हाम्रो हो ।यहि व्यवस्था अन्तर्गत एक तहको नेतृत्वले सामाजिक सञ्जाल मार्फत संविधान र संघिय लोकतान्त्रिक व्यवस्था प्रति अनादर हुने किसिमका अभिव्यक्ति दिनु प्रचलित कानुनको बर्खिलाप गर्नु हो, व्यवस्थाको विरोध गर्नु हो।त्यसकारण संविधानको पालना कर्ता र कार्यान्वयन कर्ता सबै भन्दा जिम्मेवार हुनु पर्दछ।
अन्त्यमा, नगर प्रमुख ज्यूले जिम्मेवार भई सबै तह र तप्कालाई समेटेर अघि बढ्न आग्रह गर्दछु। व्यक्तिगत र एकल ढंगले होइन सामुहिक तरिका र आधिकारिकताले मात्रै जिम्मेवारीको ‌ओज र गरिमा कायम राखेर परिणाम निकाल्ने कुरा समेत अनुरोध गर्दछु ।