धरान ख्रीस्टमस महोत्सव -२०८० पौष ६ र ७ गते हुने

धरानभरीका इसाईहरु मिलेर हरेक बर्ष आयोजना हुँदै आएको धरान ख्रीस्टमस महोत्सव यस बर्षपनी हुने भएको छ। धरान र आसपासमा छरिएर रहेका करिब २०–२५ हजार ख्रीष्टका अनुयायीहरुले ख्रीष्ट जन्म उत्सवको बिशेष अवसरमा हरेक बर्ष आयोजना गर्दै आएको ख्रीस्टमस महोत्सव यही पौष ६ र ७ गते शुक्रबार र शनिबार आयोजना गरिने धरान ख्रीस्टमस महोत्सव -२०८० का संयोजक रेभरेन्ट शामुएल राई जानकारी दिए । ख्रीष्टमस महाेत्सव-२०८० मुल आयोजक समितीको आज बसेको बैठकले महोत्सव गर्ने मिती तय गरे पनि स्थान भने केहीदिनमा टुङ्गो लगाउने संयोजक राईले बताए । राईका अनुसार महोत्सब अवधीभर खेल सप्ताहकाे रुपमा अन्तर मण्डली अन्तरगत विभिन्न मनोरञ्जनात्मक खेलकुदको आयोजना गरिनेछ । साप्ताहिक कार्यक्रम अन्तर्गत सरसफाइ, रक्तदान,असहायलाई सहयोग,खेलकुद , दिपप्रज्वलन र र्यालीको आयोजना गरिएको सह- संयोजक धरान ख्रीस्टिय समाजका अध्यक्ष गोबिन्द राइले जानकारी दिए ।

विगत बर्षहरुमा झै यसबर्ष पनि महोत्सवलाई सफल बनाउन धरान भरीका चर्चहरु मिलेर,सहकार्यक गरेर आयोजना गर्ने तयारी रहेको ख्रीष्टमस महाेत्सव-२०८० मुल आयोजक समितीका सचिव पास्टर बिन्देश्वर चाैधरीले बताए । महोत्सवमा परम्परागत खानाको स्टलहरु,नर्सरी, फलफुल स्टल सुसमाचारीय सांगीतिक तथा ख्रीष्टमस चियापान समाराेह लगायत बिभिन्न कार्यक्रमहरु गरिने सचिव चौधरीले जानकारी दिए । बिगतका बर्षहरुमा गर्दै आएको हरेक कार्यक्रमलाई निरन्तरता दिदै यसबर्ष एलिडी ब्याच बितरण, एअर ब्यालुन उडाउने र स्टिकर बितरण लगायतको कार्यक्रमपनी समेटिएको सचिव चौधरीले जानकारी दिए । ख्रीस्टमस महोत्सव -२०८० सम्पन्न गर्न रेभरेन्ट शामुएल राईको संयोजकत्वमा २३ सदस्यीय मुल आयोजक समिती गठन गरिएको छ ।