धरानमा प्रहरीको ‘क्विक रेस्पोन्स टिम’ २४ सै घण्टा परिचालन

नजिकिदै गरेको चाड पर्वको सुरक्षार्थ नेपाल प्रहरीले आफ्नो सुरक्षा योजना सार्वजनिक गरेको छ । बिहीवार ईलाका प्रहरी कार्यालय धरानले पत्रकार सम्मेलन गरी आफ्नो सुरक्षा योजनाहरु सुनाएको छ । ईलाका प्रहरी कार्यालय धरानका डिएसपी नवराज मल्लका अनुसार प्रदेश प्रहरीमार्फत ३० बढी प्रहरी परिचालन गर्दै चाडपर्व लक्षित सुरक्षा संवेदनशीलतालाई मध्येनजर गरेर ‘क्युआरटी’ परिचालन गरिएको छ । सन्चारकर्मीमाझ चाडपर्व लक्षित शुभकामना आदानप्रदान र सुझाव सङ्कलन कार्यक्रममा डिएसपी मल्लले धरानको छाताचोक र धरान १६ स्थित जोरसखुवालगायतका ४ स्थानमा १८ घण्टा नियमित प्रहरी परिचालन गरिएको मल्लले बताए । उनले चाडपर्व लक्षित सुरक्षा संवेदनशीलतालाई मध्यनजर गर्दै धरानका बैंक तथा वित्तीय संस्था, सुनचाँदी पसललगायतका क्षेत्रमा प्रहरी जनशक्ति परिचालन गरिएको बताए । जिल्ला सुरक्षा समन्वय समितिले निर्णय गरेअनुसार १० बजेभन्दा पछाडि बजार, पसल बन्द गर्न गरेको निर्णय कार्यान्वयन गर्ने मल्लले जानकारी दिए । धरानको सुरक्षाका विषयमा इलाका प्रहरी कार्यालयले कुनै कम्पर्माइज डिएसपी मल्लले बताए ।