दशरथ पथ टिएलओ धरान – १५ द्वारा सडक मर्मत

धरान – १५ स्थित दशरथ पथ टोल बिकास संस्थाले दशरथ पथ सडक मर्मत गरेको छ । आईतवार धरान उपमहानगरपालिका वडा नम्बर १५ का वडा सदस्यहरु को उपस्थितीमा टिएलओको आयोजनामा स्थानियहरुको सकृयतामा सडकको खाल्डा खुल्डी पुर्ने काम भएको हो । बरगाछी धरान – ८ देखी उत्तर धरान – १५ को दशरथ पथ हुँदै बुढासुब्बा चौकका लगभउ १९ ओटा खाल्डा खुल्डी पूर्णइ सडक मर्मत गर्ने काम भएको टिएलओ का अध्यक्ष सन्तोष खतिवडाले जानकारी दिए । चाड पर्व नजिकदै गएको र स्थानिय स्तरमा भएका सानातिना काम हरु सरकारकै बाटो हेरिरहन भन्दा आबश्यकता हेरी आँफै मर्मत सम्भार गर्न लागेको खतिवडाले जनाए । बिगतका टिएलओ अध्यक्षहरुको पाला देखिनै यस्ता साना तिना काम आँफै गर्ने गरेको खतिवडाले जनाए । मर्मतका लागी स्थानियहरुले नै आबश्यक पर्ने सिमेन्ट,बालुवा जोहो गरेको अध्यक्ष खतिवडाले बताए ।

१०० घरधुरी रहेको दशरथ पथ टोल बिकास समितीमा यस अघीनै निवर्तमान अध्यक्ष नविन मेन्याङ्बोको अध्यक्षतामा सिसी क्यामेरा जडान गरिएको छ । मेन्याङ्बोको पहल र स्थानीय उपभोक्त्ताहरुबाट आर्थिक संकलन गरेर रु ४ लाख बराबरको १२ वटा सिसी क्यामेरा र ३ वटा कन्भेक्स मिरर राखिएको छ । सिसी क्यामेरा संगै सवारी दुर्घटना न्युनिकरणको लागी मितेरी फुटसल धरान ११ को सहयोगमा तीन ओटा कन्भेक्स मिरर पनि राखिएकोछ । कन्भेक्स मिरर , चिल्ड्रेन्स एकेडेमी छेउ , देवकोटा चौक र दशरथ पथ प्रबेश मार्गमा राखिएकोछ । आज मात्र हैन बिगतका बर्षहरुदेखिनै आफ्नो वरपर टोलमा भएका सानातिना समस्याहरु आँफै समाधान गर्दै आएको र तेस्कै निरन्तरा स्वरुप यो मर्मत कार्य गरिएको निवर्तमान अध्यक्ष नविन मेन्याङ्बोले जानकारी दिए ।

मर्मत सम्भार कार्यक्रमको वडासदस्यद्वय बादल भट्टराई र रङ्गलाल गिरीले संयुक्त्त रुपमा उदघाटन गरेका थिए । उदघाटन पछी केहीबेर सम्म श्रम समेत गरे । वडा सदस्य बादल भट्टराईले वडा भरी रहेको टिएललो मध्येमा दशरथ पथले उदाहरणीय काम गरेको भन्दै प्रशंसा गरे । उनले टिएलओले गर्ने हरेक काममा वडाको साथ रहने बताए । अर्का सदस्य गिरिले वडा नम्बर १५ को एक नम्बर टिएलओ भएकोले धन्यवादको पात्र भएको बताए । नगरपालिका र वडाले गर्ने काम टिएलओले जनसहभागीतामा काम गरिरहेकोले वडाले धन्यवाद दिएको बताए ।