प्रेमिकाको बिषयमा फाइट गर्न हिंडेका १५ जना हतियार सहित पक्राउ

विराटनगरको एक कलेजमा पढ्ने युवतीलाई दुई जना युवकले मन पराएपछी सुरु भएको बिबादमा घरेलु हतियार सहित ग्याङ फाइट गर्न हिंडेका १५ जनालाई घरेलु हतियार सहित प्रहरीले शुक्रबार पक्राउ गरेको छ । पक्राउ पर्ने मध्ये ९ जना १८ वर्ष मुनिका छन् ।प्रेमिकाको विषयमा यसअघि पनि दुई पक्षबीच विवाद भएको थियो । शुक्रबार फाइनल गर्ने भन्दै एउटा समूहले सुनसरीको बर्जुबाट युवाहरुको टोली बोलाएका थिए भने अर्को समूह पनि विराटनगरमा तयारी अवस्थामा रहेर ग्याङ फाइट गर्न लागेका १५ जनाको समयलाई घरेलु हरियार सहित पक्राउ गरेको जिल्ला प्रहरी कार्यालय मोरङका प्रवक्ता प्रहरी नायव उपरीक्षक रञ्जनकुमार दाहालले जानकारी दिए । घरेलुहतियारसहित पक्राउ परेकाहरुलाई खोजी गर्ने क्रममा प्रहरीले १३ जनालाई सनीमन्दिर चोक नजिकैबाट पक्राउ गरेको प्रहरीले जनाएको छ ।

Photo : Prem Dewan Biratnagar